الأوراق المطلوبة لفتح ملف؟؟

السلام عليكم و رحمة الله و بركاته،،
عندي استفسار!!!

شو هي الألوراق المطلوبة لفتح ملف فمستشفى دبي و متى أفتح الملف، أنا ألحين فالشهر الرابع؟ و الاجراءات تاخذ وقت وااايد، يعني لازم ريلي ياخذ إجازة أو يترخص من الدوام لمدة ساعة؟؟
اسمحولي ها حملي الأول و ما عندي خبرة..

و يزااااكم الله ألف خير..

عزيزتي كونج من راك لازم أول شيء تتصلين عيادة القصيص وتاخذين موعد هناك عندهم…وعقب هم بيحولونج مستشفى دبي لأنه ما يستوي تاخذين موعد في مستشفى دبي مباشرة لازم تحويل..
وتراهم يطلبون صورة جوازج وجواز ريلج وصورة خلاصة القيد..وبس هاللي أتذكره..
انتي اتصلي فيهم واتأكدي..^^

وترا مواعيدهم بعيدة فابدي في الاجراءات من اللحين..

مشكورة أختي الغالية أم شماء و ربي يسهل ولادتج و تقومين بالسلامة..

لازم المراجعة تكون في العيادة؟؟؟
مايصير دايركت في المستشفى؟

للرفع

مشكوره يزاج الله خير اختي عالمعلومه

المطلوب:: جواز الزوجه جواز الزوج عقد الزواج شهادات الميلاد وبطاقة صحيه
بالنسبه لج احسن سيرين في الشهر السابع او السادس..