خواتي الحبوبات حبيت تشاركوني آرائكم في موضوعي باختصار حابة أعلم عيالي على طلعتنا للمطاعم العائلية و بغيتهم يتعلمون الإتكيت بس متخوفة لأني جربتهم مرة بالسفر تموا فديت عمارهم يدقون بالشوك و الملاعق على الطاولة و ما تم حد في المطعم إلا و انتبه عليناهههههههههههه وكل حين يطيح شي من الطاولة يالمملحة يالصحون و حالتي حالة وياهم بس قلت ما بيتعلمون إلا إذا طلعتهم مرة للتجربة تحت التهديد و الوعيد و إلا شو رايكم و الله محتارة ؟!
الله يوفقج ..حبيت ارفع لج الموضوووووووووع
أنا مرة شفت في برنامج سوبر ناني <<< لو تعــرفينه
أن المربية قالت حق الأم أن الأطفال بالعادة يملووون في المطاعم و خاصة ليما يتريون الأكل
فأفضل طريقة لإسكاتهم في خلال هالفترة أنج تلهـــينهم
كـــيف؟؟؟
شيلي معاج دفاتر رسم و ألوان <<< يفضل تكون أحجام صغيرة
أو أي لعبة تحــسين أنها بتلهيهم و بتــسكتهم في المطعم
إنت جربي و شوفي
والله يحــفظلج عيالج غلآيه
ودمت بود
أم سارة
لازم تعودينه في البيت يعنى مره في البيت قولى لهم يالله
اليوم بنلعب كأننا في المطعم وانتى تقدمى لهم الطعام
وكيف يكونو جالسين و مايلعبو بالملاعق ماتودينهم المطعم الا
لما تشوفينهم في البيت تعودو على الاكل بالملعقه والشوكه
وفكرة تاخذين لهم لعبه صغيره معقوله
لان الاطفال فديتهم فيهم طاقه ومايقدرون
يجلسون 5 دقائق على بعضهااا
مستانسين حياتي ..
ممم شوفي مثل ماقالوا خواتي
انج تعلمينهم ف البيت وهيك .. /
او انج تقولين لهم انه مب حلو جدام الناس
يعني كلام خفيف يستوعبونها ف عمرهم ..
او حتى لو تلهينهم يعني اكيد بيبون مقبلات
ف انتي خليهم ياكلون ف البداية اشغليهم
عسب مايصرفون اهتمامهم لشي ثاني
او صبي لهم عصير او ماي
خليهم يشربون .. مابيحشرون الدنيا
ممم او خليهم يشلون وياهم لعبة صغيره
يلعبون فيها يلتهون ^^