شحالكن خواتي ؟؟ ان شاء الله بخير ..
انا صبغت حجرتي بكذا لون و كذا مره و كل مره اتلعوز .. ريلي يبي الاثاث يكون خشبي محرووووق .. قلت اوكي بس شو الالوان اللي استخدمها ؟؟ اقصد الصبغ و الستاير وغيره ؟؟
أبي اعرف الالوان اللي بتليق و الغرفه ما تطلع عنقااااااااش .. و اللي عنده صور فيها الاثاث خشبي يحط لي دخيلكن و الله راسي عورني و عندي مليووووون شغله و شغله متى بخلص.؟؟؟
ابي اصبغ الغرفه فستقي و تكون مدرجه يعني و انتي تشوفين الطووفه تحسين اللون يصير افتح من فوووق لتحت .. و الاثاث خشبي محروق بس ما اعرف كيف بتطلع .. انا تعبت ساعدوني فديتكن .. بصيح تراااااااااااااااااااااااني
انا كنت صابغة غرفتي اصفر على بيج واثاثي بني محروق اللون كان اوكى
بس كنت احسها غامجة و خصوصا انه غرفتي صغيرة و كانت قبل كلها ابيض في البيض
وبعد مدة رحت صبغتها ازرق خفييييييف جدا اللي يشوفها يقول ابيض لأنه عندي الفرش على تركوازي
وممكن تسوين البنفسجي الفاتح بعد حلو معاه ماعرف احس وايد الوان تناسبه
والموضة لونين ممكن تسوين طوفة وحدة ذهبية والباقي البيج الفاتح بعد حلو معاه والله يوفقج والسموحة
الفوشي والوردي الافتح عن بدرجتين
وطالعه الغرفه حلوة
واثاثي خشبي محروق من حول الامارات
وطالعه مع الوردي روووووووعه
حتى البرقالي والاصفر يطلع حلو معاه
والسموحه
يعني الجدار لازم يكون فاتح ويعتمد هذا على مساحة الغرفة
– مثل ما قالت الأخت درجات البيج مع كورنر واحد
تحطين فيه ورق جدران مشجر خفيف من لون الستارة
وحتى المكان اللي بتحطين فيه السرير وشو اللون اللي وراه
الاكسسوارات واللوحات كلها تلعب دووور في الغرفة
وبما انها غرفة نوم حلو تخلين الوانها دافية …
والسموحة