اكشخي بكل شئ إلا العباية

– أكشخي بكل شيء
إلا ( العباية )
– العباية شُـرعت للستر لا لإبراز الزينة. صفاتها : واسعة ، خالية من الزينة ، غير ملفتة للأنظار ، غير مظهرة لتقاسيم الجسم.. الحرام يبقى حراماً حتى لو كان الجميع يفعله لا تتنازلي عن مبادئك و إن كنتِ وحدكِ تفعليها ! دعيك منهم فسوف تُحاسبين وحدك "وكلّهم آتيه يوم القيامة فردا"
فاستقم … (كما أُمرت) لا (كما رغبت).

الله يهدي بنات المسلميين أجمعين يارب. .
فعلاً أختي موضوع الإستهتار بالعبايه صار ملحوظ بصوره كبيره. .يالله حسن الخاتمه

السلام عليكم والرحمه

العبي الحين حدث ولا حرج استغفر الله الله يهديهم صراحه
يعطيج العافيه على الطرح وجزاج الله الف خير.

تحياتـــي

مب عيب نماشي الموضة بس بحدود المعقول … بالنسبة لي ألبس عبي شفافة ومزينة للأعراس وألبس فوقها عباه شل سادة تسترني لين أدخل لين القاعة..

نفس الشى ألبس العبي الملونة والموديلات للزيارات والعزايم ويمعات البنات …

أكتفي بالعبي السادة والشيل السادة للمول والجمعيات والدوام ..

يزاج الله خير اختي.

بس الوحده بعد لازم اتجاري الموضه انا الصراحه ألبس العبي الساده للأسواق وبيت عمي لان حمياني موجودين . والعبي المزركشه وفيها زينه لبيت أهلي ومرات في الاعياد في البيتين (بيت عمي وبيت أهلي ) بعد ما يصير ما ألبس مول . بس بيني وبينج احاول اخفف ها الفتره من المزركشات عشان اتعود على الساده.

ومشكورة فديتج على الطرح