انا اول مره اكتب موضوع بالمنتدى
بس انا دايماً متابعه لمواضيعكم
بدش بالموضوع
نحن سبع بنات 5 متزوجات
وانا والي اكبر عني لا
الي اكبر عني مشأءالله عليه قمر العيله عمرها 28الحينه ،،ولد بنت عمي يحبه من اهي صغيره واهي ماكانت تحبه موغرور لانه اهي اكبر عنه بسنتين واهي عاقلة وكانت تفكر بدراستها وكملت الثانويه وخذت احلى نسبه ودشت طب وخذت شهادت الدكتوره بجداره وتعبت الين وصلت للوظيفه بس الحمدلله
المهم
اختي من فترت واهي تدرس كانو يتقدومو له كثير وسبحان الله يختفو اهل المعرس او مايصير نصيب وخلصت وكان يتقدمو له ونفس الشي مايصير نصيب او يختفو
والحين قريب تقدم له واحد اهو يحبها من ايام الجامعه راح يكمل دراسته برع ورجع وتقدم له وخلاص كل شي تمام وعقب المعرس اختفى مانعرف عنه شي
واختي صابه نفس الاكتأب وتمسكت بالله كثير وتقراء قرآن وتستغفر
وعقب تقدم له واحد وخلاص خواته انجنو عليه واختفو
واللحين قبل اسبوعين بنت عمي تكلمني تقولي عندي لج معرس قلت له منو قالت اخو ريلي قلت له شو رايج بأختي قالت اوكيه وانا حولته لأختي اريدها تفرح وزارنا المعرس واهله وتشافو اختي وهو شافه نظره شرعيه والمعرس تخبل عليه واتصلت بنت عمي عشان المهر وانهم بيزورنا الجمعه ونحنا منتظرين ولاه وصلو ولاه شي واختفو كغيرهم
واختي كل مره يصيبه ضيق واكتأب وتم تصيح
عقب فتره تقوله ربيعتها انا حلمت شي يخصج
قالت له شوه
قالت له حلمت ريال مطوع يقولي انه انتي فيج عين قويه
ولازم تروحي عند مقري تتعالجي
دورنا على مطوع ماحصلنا ولاه مايرضى يجي البيت والي يطنش الموعد
رجعت اختي تتمسك بسورة البقره والاستغفار والاذكار
اللين اليوم واهي بدوام ربيعتها قالت له في واحد مطوع نعرفه حرمته ربت بالمشفى وهو ريال زين
ويعرف يعالج تعالي نطلع عنده انا وانتي ،اختي بالبدايه خافت وماطاعت وعقب حست عمره تبى تطلع
وطلعت عنده وعند حرمته وسلمت عليهم وشافتهم ناس مطوعين وقالت له اقراء عليا
تم يقراء عليها واهي ترتجف وتقول تحس شي يخنقني واريده يوقف القرآن وهو وقف القرآن
قاله اختي انتي ركبج دوم يعورج قالت له هيه(( تتعالج دوم من ركبها)) قال له انتي شعرج كان طويل وفجائه صار قصير قالت له هيه(( اختي قامت سوت خلطه عشان تنعيم الشعر واهي شعره طووويل ويحترق وتمت تصيح وتبكي ايام وقصيته اللين الرقبه يوم العيد كان )) قاله انتي ظهرج دوم يعورج قالت هيه قاله انتي تقدمولج ناس وايد ويختفو قالت له هيه
قاله اختي انتي فيج سحر يسمونه (( سحر تعطيل )) وعطاها دواء اعشاب ووصف له ماء مع قران
وقاله اعطي اي احد يجي عندكم وتسبحي بماي وملح مقري
واختي تخبرنا واهي دمعتها بعينها
وللعلم ولد بنت عمي اللين الحينه ماطاع يتزوج
اطلبكم انكم تدعون له انه الله يفك سحرها ويسر امورها ويسترها بولد الحلال الي يصونها اهي وبنات المسلمين ((آمين ))
والسموحه
.:. اللَّهُمَّ إِنَّكَ عَفُوٌّ كَرِيمٌ تُحِبُّ الْعَفْوَ فَاعْفُ عَنِّي .:.
ربي يرزقهاا الزوج الصاالح يااارب
ربي يشفيها ويعافيها ويبعد عنها كل شر
أختي خليها هي ترقي عمرها وتداوم على الأذكار والمعوذات
تكثر من الصدقـة
ودوم تشغل القرآن في غرفتها
وان شاء الله ما بييها شي
والزواج بالأول الأخير أختي نصيب
عن أبي العباس عبدالله بن عباس رضي الله عنه قال
كنت خلف النبي صلى الله عليه وسلم يوماً فقال
" يا غلام , إني أعلمك كلمات : احفظ الله يحفظك ,
احفظ الله تجده تجاهك , إذا سألت فاسأل الله
وإذا استعنت فاستعن بالله ,
واعلم أن الأمة لو اجتمعت على أن ينفعوك بشيء لم ينفعوك إلا بشيء قد كتبه الله لك ,
وإن اجتمعوا على أن يضروك بشيء لم يضروك إلا بشيء قد كتبه الله عليك
, رفعت الأقلام وجفت الصحف " رواه الترمذي وقال : حديث حسن صحيح
رب العالمين فوق كل العباد أختي
خليها تتقرب منه وانتم بعد وما بتشوف إلا كل خير 