اطبخي الطبخة ع نار هادية كيف تكونين عشيقة بالحلال ؟

وصلتني وايد استفسارات من البنات
اكثر من 30 رسالة و بصراحة غمضوني
عن كيف تنسى موضوع الخيانة و كيف تكمل حياتها
و حبيت اكتب موضوع يفيد الجميع
حياتي ترى انتي مب اول و اخر وحدة يخونها ريلها

و موضوعي في وايد سوالف و فيه كلام قاسي
اللي ما يعيبها الموضوع اي دونت كير
و اللي يعيبها ياريت اطبقه —> لان الكلام شي عند الحريم والفعل شي ثاني
و اسمحوا لي ع النقعات و البدليات ع قولة اهل الكويت

في البداية الحرمة تتغير لنفسها و لنفسيتها
عسب ما تفكر وما تتعب

بعد الحادثة اللي صارت لي
مع اني سفيرة حل المشاكل بين ربيعاتي
انا احل مشاكلهم و اسوي و اعطيهم افكار
سبحان الله توني حسيت صدق فيهم

عاد نصايح الحريم البسي و اكشخي و تعطري
يبتي له الحساسية من العطورات و الدخون خخخخخخخخخخ

محد مستفيد منها و مخسرنا غير محلات العطور و الكريمات و الاندروير

المهم
اكتشفت خيانته للمرة الأولى
كان يخوني من سنين من اول ما تزوجنا يعني بعد الزواج
ع فكرة : كان ممتاز معاي في كل شي في الصرف و يسفرني و و يهديني و مفاجآت
يعني ما جفت عليه شي غريب ؟ ابدا ابدا وما تغير علي
بالعكس كل سنة يكون افضل
بس غلطتي الوحيدة ما كنت افتش تلفونه كنت واثقة ثقة عميااااااااااااااااااااااااااااااااااااااااااء

و هاي أول غلطة
لا تقولين ريلي غير
وما يسويها
بتقولين يعني اشك فيه؟ لا تشكين
بس تذكري ترى الشيطان شاطر -لا تنسين

نلاحظ ان الرياييل حق بنات الليل ممكن يتزوجونها و يشترون لها بيت
و لا ممكن يشتري لها طقم الماس بعد
شرات زميلتي اللي عمره ما شرى لها خاتم فالصوااا
و شاري شقة لعشيفته اللي هي زوجته الحين

المهم برمس عن ريلي الملتزم اللي حب عشيقته بسرعه
و يبغي يتزوجها
بقولكم ليش اضحك ع الموضوع
المضحك في الموضوع ان الرجل عادي عنده يتزوج بنت ليل !!!
معقولة ريال ملتزم بتزوج وحدة ……………………………..
هي معقولة حبيبتي لو كان خروووووف بيكون عادي عنده ههههههههههههه
لدرجة سألته قال لي عادي سامحتها ع الماضي كيف تتزوج وحدة جي ؟
قال :ليش انا اصلا اعرف ماضيج انتي ؟
تزوجتج و بدينا من يديد

تقارني انا بال ……………..
ع فكرة انا طبعي احب اخذ و اعطي لاني كنت ابغي اعرف تفاصيل مهمة منه
و بالعكس هذا شي ممتاز عسب تبدين تكتكين و تخططين و تردين له الصاع صاعين

في البداية صياح و نواح و تهديد و فكرت بالطلاق

يعني ما ادري شو الاهون ع قلب الحرمة ؟ يخون ولا يتزوج
معظم الحريم يفضلون الخيانه ع الزواج

المهم قلت بعد زين يبغي يتزوجها يعني يخاف الله احس من ان يروح بالحرام
المهم دامه جي اقدر اييب راسه

ليش اطلق و اترك مملكتي الكبيرة
البيت اللي طالما حلمنا فيه
اترك لها البيت اللي بناه مستحيللللللللللللللللللل ؟
ها البيت بيتي و بيت عيالي هو الطالع وانا الداخله لان القانون دايما في صف المرأة
و هذا سكن لي و لعيالي

يعني أول شي لا تطلعين من بيتج لا تعطينه هو و العشيقة مجال ابدا
تبغي تباتين في حجرة ثانية تبغين تطردينه براحتج

لكن كانت عندي خطة بسيطة
قررت اني انتقم بطريقتي الخاصة
اطبخ الطبخة ع نار هادية
اتغدى فيه قبل لا يتعشى فيني
للعلم انا ف الكشخة و ما استحي ف اللبس ابدا
ولا ف ……………………

يمكن دخلت في تفاصيل
لكن تأكدي ان المغازلجي اللي عندج مو شرط يكون عنده سبب للمغازل
كائنات تحب التنوع البشري

في البداية
كلنا نشوف نفسنا كاملات و الكمال لله
اكيد عندنا عيوب كبيرة بس ما نحس فيها
لا تقولين انا اكشخ و هو خاين
حياتي الخاين المغازلجي متعود ع ها الطبع لو كانت يدامه هيفاء وهبي
خلاص انتهى الموضوع مب غلطتج ابدا
هاي عادة عندهم الا من رحم ربي

التقيت بزميلة لي كبيرة في العمر
هي اللي غيرت فكرتي للطلاق
زوجها كان قمة في المغازل مع كل الاشكال و الالوان و الجنسيات
تخصص مغازل مب وحدة ولا ثنتين
المهم وصلت لعمر كبير و الحين ما شاء الله عليه صار شيبه
و ما في احلى و اجمل منه ولا الطف منه
يموت عليها وما يقدر ع فراقها
كل انسان يغلط
و الحرمة بطبعها تعطي فرصه للطرف الثاني
هاي طبيعة فطرية ف الحرمة
لا تقصين ع عمرج و تقولين بصبر عسب عيالي
لا حياتي انتي تحبينه و تبغينه و بتموتين لو راح لحد ثاني
و هو يدري و متأكد عسب جي يخونج

قالت لي: خليه ما يعيش بدونج

بخبركم شو سويت

من ناحية عشيقة زوجي قبضتها الباب
شفتي ابليس كيف يفرق بين الناس
انا اشتغلت مكانه هني
و سويت بحث عنها و اكتشفت ان لها علاقات بالاضافة إلى علاقاتها بزوجي
تكلم 5 و زوجي سبير حقها
خلصت منها و الحين ببدى بخطتي اليديدة ^..^
طبعا هي الحين متفرفرة ع شخص ثاني و ثالث متعودة طبعا

هددته بالانفصال و الطلاق
هني عاد خلاص هو ما عنده حد
العشيقة طارت و الزوجة الحين بتطير
يعني بيموت قهر و غصه
و بعدين قلت له ابغي مهلة كذا يوم افكر ؟؟؟؟؟؟؟؟؟؟؟؟؟؟؟؟؟؟؟؟؟؟

سامحته في النهاية لكن تغيرت
طبعا انا كنت اموت فيه و دوم ابين له ها الشي 24 ساعه
و ها غلط غلط فادح جدا

أول شي :

1-سرت و سجلت في جم اروح له 4 مرات اسبوعيا
عاد تذكرت نفسي يوم سجلت من سنة وما سرت الجم
ع فكرة اللي تسجل لازم تسير عسب تضعف خخخخخخخخ
اروح الجم و مرات اودي اليهال معاي او اخليهم معاه
انا متأكدة انه ما يعرف يسكت اليهال
بس عادي شو يعني بيموتون يوع خله يتعود

اللي وزنها مب طبيعي 100 و 90 و 80
ع فكرة انا وزني كان 80 بعد الحمل مب عيب يعني
بس العيب انج قاعدة وما تسوين شي
شرات وحدة راسلتني ان ريلها ما يقول لها اضعفي و هو زطي
بتترينه يقول لج اضعفي لا حياتي ما بيقول
لان يمكن بتدفعينه جيمة الجم و هو زطي

ابغي اسالج شفتي اجسام العارضات و البنات اللي ع وحدة و نص كيف
الله خليج لا تقصين ع عمرج و تقولين ريله يعيبه جسمي و الترهلات اللي فيه و الكرشة
و عيونه بتطلع ع البنات اللي فالمسلسلات
يمكن يعيبه يوم يستخدمج مخدة له
ابغيج الحين تتحركين و تسوين رياضة مع اكل صحي

2- زدت جرعة الزيارات الاجتماعية
تجمعنا الاسبوعي + طلعتي مع ربيعاتي
و سبحان الله من كثر ما زدت ها الجرعة
لقيت اهلي و اهل زوجي يبغون يهتمون بعيالي اكثر
فقمت انزلهم معاهم
سمعتي كلام يغث طنشي — او ردي بصورة فورية
ممنوع تشيلين ف خاطرج

3- زدت الاهتمام الصحي : فنير و تعديلات ف اسناني و جلدي
و ناوية ع تضويق للمنطقة

4- زدت جرعة الكشخة : الملابس- و الجلابيات و البناطلين و الماركات
عادي اروح و اشتري لي شنطة ب 10000 و خله يشوف و يموت بديونه
العشيقة ما تهتم للحالة المادية لحبيبها و اهم شي توصلها هدايا و تاكل و تشرب

5- زدت جرعة التوفير من الراتب : كل شهر اوفر ف حساب ثاني

6- ما اعطيه فلس احمر حتى لو كان سلف
قبل كنت اعطيه و يرد لي عمره ما ياخذ مني ابدا
دايما جملتي ما عندي حبيبي من اول ما عرست
لو عندي عيوني لك << وانا من هناك جذااابة خريطة

7- زدت جرعة التثقيف الجنسي : الله يخلي النت ان شاء الله بتلفون فيه كل شي
تغير الوضعيات مهم جدا
سرير – الصالة – المطبخ – الحوض – كرسي …الخ
مع ليالي تتخللها رقص بانواعه
اللي ما تسمع اغاني تحط اناشيد و في اشياء حلوة

و حبيت انبه ع نقطة الصوت
ياريت صوتج يكون هادي و رايق
خاصة بالفون هني تلعبين لعبتج صح
و اللي 24 ساعه عصبية و مكتبة و تصارخ ع اليهال مطلعة حرتها فيهم بليز تغيري

8- يوم اطلع مع اهلي او ربعي ما اتصل فيه خير شر
فهو يبادر بالاتصال و يعاتب مرات

9- زدت جرعة النشاط في الدوام
يعني اشتغل و اكرف و اروح و ارجع

10- الاكل الصحي المتوازن

12- حتى لو ريلج ما يشوفكم الا مرة ف الشهر
تروحين وياه الجمعية و هو يشتري و يسوي لو ماجله شهر
و يدفع الفواتير و يسوي كل شي
مب تدفعين و تسوين و هو مرتاح
اساسيات البيت عليه : ماجلة و فواتير و بيت و كل شي
بتساعدينه في الكماليات مثلا سفر و وناسة مش مشكلة
بتساعدينه في بناء البيت ساعدي
انا اشجعج بس بشرط نص البيت باسمج حطي الموضوع حلقه ف اذنج
الحين ما بتحسين بس لما اتي بنت ابليس بتندمين ندم عمرج ع كل فلس ساعدتيه فيه

يدتي تقول " فضي جيب الريال لا اتي بيت ابليس تفضيه "

11- لا تسمحين له يعلق عليج
مثلا فيج كرشة فيج خدقة
فيج ترهل
24 ساعه تمدحين عمرج
يا ويلج لو ذميتي عمرج يدامه يا سواد ليلج
انا خلصت كل التعليقات و صدمني بتعليقه بعد ما عطيته الامان
قلت له قولي الصدق شو في خاطرك اغيره
يقول لي ترى فيج خلفية كبيرة
احب الصغير
اقول ف خاطري انقع جان بصغره ع شانك
(هذا منولوج داخلي كيفج بتسبينه في خاطرج مب مشكلة خخخخخخخ)
بس يدامه امدحي عمرج
قلت له : اقولك انت سير شيل كرشتك عقب ارمس عني بالاصلع
هني واحد صفر خخخخخخخخخخخخخخخخخخخخخخ
انا خدقتي يتمنون شراتها ما يحصلون
شكيت ف عمري شو السالفة والله خلفيتي صغيرة اصلا
بس سبحان الله بني ادم ما يعيبه شي

تراني قلت لكم اطبخ الطبخة ع نار هادية
شرات ورق العنب
بس انتبهوا لا تحرقون الجدر و البطاط تراهم اهم شي هههههههههههه
اللي مسوية اطرش لي صحن

بلخص موضوعي في 3 نقاط :

الشخصية القوية مهمة بس لا تزودونها – كل شي ف وقته حلو
و تحبين عمرج اول شي قبل ريلج
و يكون لج وقتج الخاص في العناية و الاهتمام و الشغل و العمل التطوعي او بزنس خاص و الحياة الاجتماعية

اما بخصوص اسامح ريلي ولا ما اسامح ؟
ما اقدر ابدا ادخل ف ها الموضوع
لانه شي خاص فيج
لو كانت اول مرة اكيد بتسامحين
اما كررها مليون مره هني لازم يكون في حد و انتي تحددينه مب هو

و شكرا جزيلا
دعواتي بالتوفيق لكم و الحياة السعيدة
وانا الحين في قمة سعادتي لاني قبل كنت احبه اكثر من نفسي
و اليوم احب نفسي اكثر منه