اليوم بحطلكم شي اسمه Punch Needle
ويقولون انه اصل هذا الفن روسي … يعتبر نوع من انواع التطريز
في هذا الفن تستخدم ابر خاصه بمقاسات مختلفه
تكون مثل الانبوب يمر بداخلها الخيط من اعلى الى اسفل و ينتهي بابره عاديه يدخل منها الخيط … طبعا خلال تنفيذ العمل يجب استخدام حلقة التثبيت الي تستخدمونها في التطريز عشان يكون عندج سطح مشدود
الصوره توضح طريقة استخدام الابره … يبدأ العمل من ظهر القماش و في النهايه يظهر لنا عمل ثلاثي الابعاد على سطح القماش
بعض الاعمال الي حصلتها على الانترنت
تقدرون تستخدمون هذا الفن في عمل لوحات .. كوشنات .. تزيين شنط و قمصان او صناعة ميداليات … مثل ما دايما اقول انتي و ابداعج
احيد باباتي كان يايبلي الابره من الهند يوم انا واااااااااااااااايد صغيره بس ما اذكر وين اختفت
عاد حصلت هالسوالف في الانترنت و اشتريتها
اتريو علي شويتين لين انفذ هذا الشي وبراويكم شغلي ان شاء الله
المره اليايه اذا الله راد براويكم شو عندي من كتب عن هذا الفن حق الي تبا اتعرف اكثر
ان شاء الله يكون هذا الموضوع خفيف عليكن ^_^
ثانكس عالموضوع المميز يا مميزة أنتي 
المشاركة الأصلية كتبت بواسطة لافاندر 
ثانكس عالموضوع المميز يا مميزة أنتي
تسلملي هالطله يا لافندر (احب هالون و ريحته)
ومشكوره على مرورج و مشاركتج الحلوه شراتج
رووووووووووووووووووووووووووووووعة عنابتي على الدرس لكن هل في امكانية اني اوصيج تشترين لي الابرة واسفة على الازعاج لان صدق ما عندي حد يشتريلي وانا اي شي فيه خياطة اموووووووووووووووووووووووووووووووووووووووت عليه ,,, والله يوفقج وييسر لج الخير ان شاء الله دنيا واخره
@ اختكم في الله @
اتريا الصور والشغل……
تسلمين على الدرس….
الى الامام دائما ان شا الله
واااايد عيبني الثعلوب احسه جي شي شخصيه