الصراحه ماعرف لو موضوعي ف المكان الصح ولا لا
بس انا محتاجة مساعده منكم
عندي اخووو عمره ١٣ تقريبا بس الصراحه احس تفكيره واستيعابه اقل من عمره بوااااااايد
يعني تخيلوو مول مايعرف يقراء انجليزي ولا يعرف يكتب
والعربي يقراء بصعوووووووبه ويتاتا وحتى الكتابة بالعربي مب هاك الزود
والمشكله احاول اساعده اشجعه اقوله اقراء القصه الفلانيه وبيبلك اللي تبغيه مافي فايده وياااه مول
وايد متعبنا الله يحفظه
والله لدرجة انيب له مدرسين خصوصين ويطفرون منه ويقولون مانقدر انكمل ولا يتعذرون
وفي المدرسه مدخلينه قسم المصادر لبعض المواد واظني هالقسم خاص للحالات اللي نفسه مايستوعبون او يكون الاستاذ مركز ع هالقروب من الاولاد بس
ف ماعرف اوقات امي تقول بوديه عند دكتور تشوف حالته
لان مول مب طبيعي الشي
يعني نساله عن معنى كلمة بالعربي يقول ماعرف
حتى يوم يقراء ،،يقراء وهو مب فاهم شو المكتوب
ساعدوني لو في حل اقدر اساعده فيه
او نوديه لدكتور نشوف شو يقول لنا ؟؟
حبيبتي بدايةً الله يحفظلكم اخوج وامج ويحفظج وياهم
الغاليه ودوه لطبيب نفسي مختص لحالات الاطفال فقط ايلس معاه ويفهم شو الي له وشو الي عليه
يمكن فيه خلل فيه هو نفسه انتوا ماتدرون عنه
او بسبب المغريات الموجوده للاطفال الحين من ايباد وسوني وانستقرام وماشابه
كل الاطفال سواء كبار او صغار يكرهون الدراسه ومخوخهم مشغوله بهالالعاب !
انا عندي اخواني مثل اخوج الله يحفظه
ابدا ابدا مايحبون المذاكره وكل وقتهم لعب في لعب
لدرجة انج لو سألتيهم فشي يخص الدراسه مايعرفون لكن فاللعب توووووب محد مثلهم !!
بس انا اخوي واحد منهم اول ثنوي كان فالابتدائيه من الاوائل
من بدت اتهده الوالده وتخليه يدرس روحه قام ايب درجات عفوا خايسه
وبدا مستواه يتدنى لنه مافيه مراقبه عليه
الحين شوفي درجاته وبسبب الالعاب والالكترونيات كلها فالسبعين والستين ومايهمه اصلا ولايفتح اي كتاب بدون حنة الوالدة عليه
حتى انه امتحانات الفاينل الله يحفظه يخلصها ف مال خمس دقايق وقت المذاكره عسب مايضيع وقته ويلعب بسرعه ههههههههه
الله يرحم يوم كنا نرقد عالكتاب ومانخلص الا 10 فليل ولا فوق ها انش من الفجر نراجع ولاخر لحظه بعد قبل الامتحانات انكون ماسكين الكتاب ههه
وبعد بيني وبينج الوزاره متساهله مع الطلاب وايد مريحينهم مايذاكرون الا شوي عرفتي
وكل فصل مايمديج تبدينه الا خلصتيه
بس هل هو من زمان جي اخوج ؟
ولا من فتره بس ؟
يعني هل كان مستواه الدراسي قبل ممتاز وبدا يتدنى ؟
وهل هو يحب الالعاب الالكترونيه؟
لان هالاشيا كلها لها علاقه وتعتبر مسببات
بحيث انها تجعل الاطفال يلتهون عن الدراسه ويشغلون عقولهم بشي ثاني
اما لو كان من فتره قريبه ف اعتقد بسبب هالشي الي ذكرته لج
واما لو كان من زمان فاعتقد ان الخلل فاخوج نفسه او انه فيه شي محتاج يتعالج عند طبيب نفسي
يعني مثلا تزقرينه عسب اتذاكريله يباج اتخلصين بسرعه لنه عقله اصلا مش وياه يفكر فاللعب !
شورايج انه عندي اخو صف خامس الوالدة كانت تذاكرله وتحفظه قصيده جان تسأله منو قايلنها هالقصيده
قاللها سلوى المطيري ههههههههه
شوفي لأي درجه من التأثير اثرت عليهم هالبرامج والالكترونيات الي دخلت علينا الحين !. .
لان الاطفال الله يحفظهم الحين وايد يتأثرون بالالعاب ويكرهون الدراسه ومايطيعون يذاكرون او يتعلمون همهم اللعب !
وتحسين عقولهم مول مش مستوعبه او فاهمه غير الالعاب ! غير عن عيال قبل
قبل تشوفين واحد عمره 9 سنوات فااااهم وعارف وذكي وعقله جنه عقل واحد عمره 20 . .