بنات تعبت و انا ادور سواقه لتنازل و كلهن راتبهن فوق ال 2500 و يبن غرفه بروحهن حسبي الله و نعم الوكيل
المهم عندي خدامه ابا اطلع لها الليسن هل يستوي او ممنوع و اذا وحده سمعت او تعرف وحده سوت هالشي تخبرني و شكرا..
بس حالي من حالج كله كوم والتشرط اللي فيهن كوم ثاني!
صدق الدريوليه أزززززززمة!!!
الحين مستوية ازمة الدريولية
لو الوحدة روحها تسوق و ادبر عمر عيالها بالباصات او توصلهم احسن لها
عادي يستوي .. أنا وديت خدامتي لمعهد السواقة وخليتها اتعلم والأمور طيبة
طبعا نصيحة مني إذا ماتعرف السواقه حرام تخسرين فلوسج لأن تعليمهن مكلف وللأسف اللي ماعندها خبرة بالسواقة صعب تنجح من أول تراي وكل تريا بيكلفج بحدود 500 وشوفي لين ماتاخذ الليسن كم بتخسرج ..
وعقب ماتاخذ الليسن بتقولج سفريني مابي اشتغل وبتسير عند غيرج تدور وظيفة سواقة بـ 2500
فنصيحتي دوري لي وحده عندها ليسن أبرك من التعليم
أو دوري هندي أرخص لج
أو من هالحريم اللي يوصولون ويردون
وأنت بالخيار