بنات أنا حابة أخلي عجينة البيتيفور تكون لينة بدون تشققات رفيعة… هالمشكلة أنا أعاني منها من بديت أسوي بيتيفور… أي وحدة عندها الخبرة تساعدني رجاء…
يوم أفرد العجينة تطلع فيها تشققات رفيعة…. والكل يقولون لي البيتيفور حلو بس لو يذوب في الفم وايد أحلى بيكون… في ناس تضيف حليب وسمعت بعد في ناس تحط سيريلاك!!! لأن هالشي اللي يخلي عجينة البيتيفور لينة وطرية وتذوب في الفم… أنا خاطري عجينتي تصير مثل الغريبة نااااااااعمة وحلوة وما تعذبني في التقطيع والتشكيل… كل ما أفرد تتقطع وتتفتت مب عارفة أتصرف معاها!!!!
بليز بنات ساعدوني شو ممكن أضيف للعجينة خصوصا إن مكونات البيتيفور وااايد بسيطة؟؟!!
وحابة بعد أعدل الطعم يعني جربت كم مرة أسوي طعمه ما يطلع حلو وايد… يعني مادري المشكلة فيني أنا أو في طريقة عجني أو شو بالضبط!!!! في أنواع من البيتيفور اللي الشخص يشتهي ياكل أكثر عن واحد… ربيعتي تقولي طلبوا مرة بيتيفور من وحدة تقول كليت 10 حبات ورا بعض من لذته… بس مثل ما إنتوا عارفين محد يحب يعطي السر في صناعة البيتيفور…
وايد خاطري أطور من البيتيفور من ناحية طريقة العجن والعجينة والطعم والشكل…
في انتظاركم…
شكرا جزيلا..
حاضرين للطيبين
هذه هي وصفتي للبتي فور وجدتها في احدى المنتديات وهي رائعة اشكر صاحبتها
400 غ زبدة طرية اي بحرارة الغرفة
نصف كأس زيت
كأس الا ربع سكر ناعم
نصف كأس نشاء
بيضتان كاملتان + صفاران
فانيليا
نصف ملعقة صغيرة خميرة الحلويات
دقيق لجمع العجينة حوالي 400 غ ولازم تبقى العجينة طرية
الحين طريقة التحضير
نخفق البيض جيدا بالمضرب الكهربائي حتى يصير لونه ابيض ثم نضيف السكر ونخلط جيدا
من جهة اخرى نخلط الزبدة + الزيت جيدا بالمضرب الكهربائي حت يتجانس الخليط
ثم نخلط المزيجين مع بعض ونخلطهم جيدا بالمضرب الكهربائي
ترى يمكن هالمراحل تاخذ منك وقت بس لازم تخلطين جيدا يعني اعطيها حقها في الخفق
ثم نضيف الفانيليا والنشاء والدقيق المنخول ونخلط بملعقة خشبية من الاسفل الى الاعلى حتى نحصل على عجينة طرية وتشكلينها على ذوقك
ملاحظة مهمة ما لازم تعجني العجينة بس تجمعيها
ان شاء الله تكوني فهمتي الشرح
بس أنا أحس إني مب عارفة أتقن الوصفة عدل…