اخواتي العزيزات انا حامل وولادتي ستكون في شهر 1او 2 بالاردن على خير ان شاء الله وارغب بسؤالكن عدة اسئلة راجية الافادة خاصة انه الحمل الاول لي
1- معقمة رضاعات الاطفال ورضاعات الاطفال والحلمات ماذا تنصحوني اي ماركة ومن اين في ابو ظبي اشتريها
2- الهيتر اي ماركة تنصحوني كونها برد في الاردن
3-زوجي يستشيرني بخصوص احضار ثياب اطفال للبيبي من الفلبين ما رايكم هل هي افضل من ابوظبي
4- اريد محلات تبيع ملابس اطفال باسعار مناسبة ونوعيات ممتازة مع ذكر عناوينها لاني لا اعرف كثيرا في ابو ظبي انا اشتريت بعض الاغراض من بيبي شوب
رجاء افيدوني
رررررررررررفع
بدك غيارات داخليه تبانات اقل شي 10 ( في كيس بكون في ماركس اند سبنسر يمكن فيه 6 تبانات نوعيته ممتازه جيبيهم نص كم مو حفر من 0-3 مش نيو بورن بيكون صغير من بيبي شوب جيبي كمان في كيس يمكن فيه 3 ب 24 درهم )
ما انصحك تجيبي بلطون وبلزوه او بجامه لانك حتولدي بالشتا اللافرول الكامل افضل وادفا للطفل واذا بيكون مخمل بكون افضل في بكارتر نوعيه ممتازه للشتا بدك اقل شي 6 لبسات)
كمان كوفليات ( او قماطات) في قطن في بيبي شوب وفي بكارتر كمان ممتازين
انا اجيب من من غاب جمبوري بي اتش اس هدول بنزلوا ملابس الشتا بكير بس ما اعرف اذا موجودين اابو ظبي
بدك جرابات وكفوف من بيبي شوب اوكي
طاقيات مخمل وقطن حيكون برد كتير
بدك حرام مورا افضل نوع ما يعمل حساسيه للطفل
وعدد 2 حرامات خفاف في كارتر في بماكس كمان يكون معاه دبدوب ان شاء الله تحصليهم اخدت منهم بالصيف لاولادي بالطياره
بدك رضعات عدد 2 صفار اصغر شي لليانسون – للماي
وعدد 2 120 مل ما تجيبي كبار هلا
جهاز التعقيم فليبس ممتاز الي بالبخار وفي عندك اقراص التعقيم من الصيدليه لو كنتي بره البيت
حبوبه بخصوص ثياب الفلبين عادي يجيب بالعكس حلو بس خليه يجيبهم اكبر يعني من 3-6 لانه حجم اطفالهم اصغر من اطفالنا ويجيبهم شتوي
بدك جكيت في بنكست او مذر كير
بخصوص الرضعات الصغار جونيور من بيبي شوب في زجاج افضل
والكبار avent موجوده بالصيدليات وبيبي شوب ومذر كير
بلاستيك للتغير من بيبي شوب
كل هدول موجودين هناك فالافضل ما تاخديهم من هون او خدي اصغير شي حتى ما تاخد وزن على الفاضي وهم موجودين بكل مكان هناك
محارم معطره
بودره اطفال
فازلين
واغراض الحمام
ميزان حراره
دوا انفاكول للمغص ( ممتاز)
حرجع اكملك واي استفسار انا حاضره