ارجو المساعده من الاخوات الاعزاء

خواتي يوم ميلاد زوجي السبت الي ياي وهو بتاريخ 21/02 وحابه احجز له بدبي وارتب له الغرفه وطبعا انتن ادرى بالترتيبات الرومنسيه ومن هاالسوالف..

اتمنى احد ايساعدني …………

الغالية أنا عندي أباجورات الحب الرومانسية :
https://forum.uaewomen.net/showthread.php?t=399932

تسلمين ياالغلا كله

فيه وحده في المنتدى تعدلج الغرفة اظني اسمها أم_حمدان

تسلمون وينها انزين انا ادور عليها

اختي خلي يكون لليله موضوع

يعني ليله بلون او شي جي

مثلا اذا كل شي احمر

او تلبسيين نحله ويكون كل شي ورد جنج لحديقه
او بدلة رقص وتاخذين الكره مال الديكو مال الاضاءه وتحطين اغاني وترقصين له كهديه ^^
مافي شي اهم من الاضاءه للرومانسيه

يعني شموع وابجورات وهالسوالف
ولاتنسين حتى الحمام زينيه
وفي فكره بسييطه بس حلوه للحمام
جفتها فمنتدى ثاني بس ماذكر اسم العضوه ويمكن هني بعد ^^

هاتي كلينكس بليه ماي وشكليه ع اليدار بشكل الكلمه اللي تبينهاا
مدثلا كل عام وانت بخير حبيبي

انا سويتها لتخرج ريلي وواايد عيبته مع انها بسييطه^^
بمساعدة اخته اللي دخلتني وحليلها ماقصرت ساعدتني بكل شي
بس انا سويت له كل شي ازرق بفستخدمت ملون مال اكل ازرق وحطيته مع الماي
وهاي صورة اللي انا سويته بحمامه