شحالكم
انا حامل بس توني اول شهور بس انصدم ف زوجي واهله يعني اصبرو على مايكبر الي فبطني ويثبت ان شاء الله بعدها تعالو تكلمو
اول شي انا تعبت هالاول شهور وللحين اعاني المهم
يايني ريلي يقول امي تبا هالاسمين لو ولد ولو بنت هالاسم وانا بسوي الي تبا
عصبت انا صراحه قلت له انا من مستشفى لمستشفى وتعب الوحام وبعدني اول 3 شهور جي تسوون يوم فبنتي الاولى ماتدخلت شمعنى الحين هي ام ريلي ع الهين والراس ولكن والله يا جماعه يوم فبنتي طحت فالمستشفى كم ماسألو عني و الحين نفس الشي اتعب ولا سألت عني يايه تسرط علي ؟؟؟ وهو يعصب يوم اقول اني انا حره في البيبي وبعدين انا الي اتعب عليه مب انت ولا غيرك وانا حره حره فيييه هذا جنين توه ماكتمل خلو يكون بصحه وسلامه وخلوني فحالي
شو هالناس
وبعدين لج
قهرررر لان ماره بالموقف العبيط هذا
الله يعينج
لاتكبرين الموضوع اذا عمتج ام ريلج عيبها اسم وريلج عايبنه اسم انتي شوفي الأفضل او اطلبي رايج
بالاسامي اللي تبينها وارضي الطرفين ماراح تخسرين شي ,,, وهم مب بعيد عن الجنين هم اهله بعد
وفي بعضهم من الفرحة يحاول يقول عشرين اسم حتى لو انتي بأول اسابيعج عادي هم مستأنسين ومايعرفون كيف يعبرون
غير انهم كل يوم يقولون اسم ,,, وحليلهم ,,, انا من اول أسبوع بحملي كل حد يقولي اسم عادي كنت اسمع الكل وانا مبتسمه
واضحك وأقول حلو الاسم بالنهاية وقت الجد طلب ريلي رايي بالاسم وسأل اهله وكلهم عيبهم ,,,, وعادي الحياه تمشي
وعادي فديتج هي تسمي بنتج او ولدج
اشوف ما فيها شي
انا عيالي عمتي ام ريلي سمتهم وانا اللي عطيتها هالحق
انتي حامل وانا حاسه فيج فالحمل ياخي نتحسس وايد نعصب ع كل شي وما نتحمل شي خصوصا تدخلات اهل الزوج
تحسين عمرج متنرفزه
بس صدقيني اول ما تربين ويمر عليج شهور بتذكرين مواقفج ايام الحمل وياهم تقولين صج ما كان عندي سالفه وكنت مكبره المواضيع
بالعكس سيري عندها وقولي لها شو اسمي ولدي او بنتي بتستانس وايد عليج
بالتوفيق والله يسهل عليج