للي ماتعرف موضوعي
هذا رابط الموووضوع
https://forum.uaewomen.net/showthread.php?t=638059
خواتي والله مش عارفه شاقولكم يزاكم الله الف خير
والله يحقق لكل وحده ردت على مووضوعي بلي تتمناه ان شاء الله
بنات انا قعدت معاها البارحه
نقاشي كان عادي جدا يعني مايبت لها طاري زواج وغيره هي بروحها قالت لي …… << زقرتني باسمي
تتوقعين انا ان عرست بكمل؟؟ انا هني قلت عيل اكيد اللي مخوفنها وسواسها وتفكيرها
قلت لها التوفيق من عند رب العالمين وان شاء الله تتوفقين
ردت قالت لي انا اخاف اطلق قلتلها حبيبتي حتى الطلاق بعد نصيب وربج كاتب هالشي
قالت لي فلانه (اللي هي خالتيه) تقولي انا اعتقد انتي ان عرستي الله يعينج قلتلها ليش قالت جي قالت تقول ان وايد تحاتيني (خالوه وايد تحب اختي )بصراحه مش عارفه شو فيها بالضبط هل هو خوف من الزواج ام هو وسواس او حاله نفسيه او عين او عمل والله احترت
* للعلم بس انا قلت يمكن اللي ماثر فيها اللي تشوفه او تسمعه يعني زوج يخون زوجته ….. الخ
من هالامور
الشي الثاني ان هي كانت مالجه وطليقها بهدلها في عيشتها خلاها سنتين معلقه (حسبي الله ونعم الوكيل فيه )
الحين كيف اتصرف معاها؟
انتي بديتي من باب النصيب و المكتوب
اقنعينها ان اللي صار ربي كتبه عليها وكان اختبار و ابتلاء
والله ما ينسى عباده وما يظلمهم
قوليلها ان الله بيجازيها خير على صبرها ، والاهم تصلي استخارة و تتوكل على الله
الرياييل مب مثل بعض ، و الطيبون للطيبات
والله حب يخلصها من الريال هذاك لان اكيد عيشتها معاه بتيب لها وايد مشاكل
الظاهر خوفها من اللي صار لها قبل مخليها جي
فـ مثل ما خبرتج ، اهم شي الاستخارة و تتوكل على الله
قولي لها اللي صار خلاص انتهى ، والعمر جدامها ، ما يصير تخليه يمضي وهي رابطة نفسها بالماضي
موفقة .. و طمنينا عنها
الله يعوضها بالاحسن ان شاء الله
والله يعوضها يا رب
فهذا الشي الأساسي اللي زارع الخوف والقلق فيها
حتى لو هي تبى تطوي هالصفحة احياناً نكون خارجياً طويناها لكن بداخلنا شي اقوى منّا يخلينا عايشين مع الشي السلبي ويأثر على كل جوانب حياتنا مب بس ففكرة الزواج
اذا هي فكرت انه هي تستاهل الكثير لأنها بنت طيبه وتخاف الله واللي بياخذها امه داعيتله ومن هالافكار اللي تعزز الثقه بالنفس وترفع المعنويات وانتوا بكلامكم ساعدوها بهالشي
والله الكلام اللي يدور حول الواحد يأثر وايد وانا كنت بفترة خطبة طويله يوم ييت افصخ الخطبة سمعوني كلام خلوني اتردد ونفسيتي تصير زفت ودخلت بنفس حالتها تعب وضيج وصياح لأني ضعت بين نفسي وبين كلام اللي حواليني
بس لو كانوا اللي حواليني مسانديني بكون قوية وبظهر الأسباب اللي تخليني ارفض بكل وضوح مب اتم اقول ماعرف ماعرف ماعرف وبس
وانتوا سووا وياها نفس الشي خلوا كلامكم وياها كله افكار ايجابية وعززوا ثقتها بنفسها
" والله اللي بياخذج وين بيلاقي شراتج" " احس يوم عرسج بتكونين غيييييييييير عن كل اللي عرسن" "انتي الف واحد يتمناج " " انتي عقب ماصبرتي نلتي اللي يستاهلج " ومن هالكلام
وان شاء الله تتغير للاحسن يارب والله انها خبصتني معاها مش عارفه شاسوي لها
وتكسر خاطري يوم تيها الضيجه ماتقدر تتنفس الله يعافيها ان شاء الله ويوفقها
ما تقتنع وانشاء الله خير