شحاالكم
اممم انا عندي مشكله .. يمكن ماتعتبرونها مشكله
بس انا احس هالشي يضايجني وايد
النااس مايذكرون ربهم .. وانا ادري ان العين حق بس ماعرف شو اسوي
المشكله ان مب ع شي واحد
اول شي يوم سويت رجييم .. توني باديه بسم الله
كانوا عندنا ناس ع العشاء فـ ماحبيت اني ما ايلس وياهم ع الاكل
يلست وتميت آكل روب جاان تقوول لي الحرمه هاا رجييم !!
مابغيت اجذب قتلها هيه .. جان تقوول عااد انتي ضعييفه
<< يعني شو ارد عليها مثلا .. سكتت لاتعلييق هههه
عقب يالسه اشرب ماي
جان تقوول انتي ماتاكلين شي ؟؟ بس تشربين ماي .. كله اشووفج تشربين ماي
والله من عقب هذاك اليوم اختبص الرجيييم ولا شربت ماي موول
ووحده مره تقول لي خلاص شو تسوين رجييم
استويتي جلد على عظم << اصلا مانقصت ولا كيلو يقصون ع عمارهم ولا شوو
غير سالفة الرجييم
شعرج طوييييييييييييل .. انزيين اذكروا الله
دووم يقولون لي فجي شعرج نبا نجووفه << فـ المدرسه .. شو تبون تشوفون فيه يعني
امي وربيعتي يقولون لي لاتفجينه جدام حد .. مره كنت اعدل شعري وكان ملفوف بعد + ما افصخ شيلتي
وكانت بنت ورايه .. عقب يت جان تقول لي شعرج وايد حلو ويبين انه طويل لاتبطلينه جدام حد
ومن كمن يووم يالسه امشط شعري وولد خالوتي الصغير عندنا جان يقوول لي
خييبه شعر هالطوول !! << ترى شعري مب وايد طويل .. بس بالنسبه لهم طويل
قتله اذكر الله .. اوكي ها ولد خالوتي اقول له اذكر الله لكن استحي اقول حق حد مب من الاهل
ومره فـ المدرسه ربيعاتي متفقين ويا امي ان يسوون لي مفاجأه حفلة عيد ميلادي
امي كانت يايبه توزيعات عطورات صغيره حق مدرساتي وعطتهم ويايبين كيك واكل وجيه
عقب ماخلصت الحفله جافتني مشرفه وصلها عطر من العطور
جان تقوول مسوين لج عيدميلاد جييه عيل فـ عرسج شو بيسوون
بعطييج رقمي واعزميني ع عرسج
انا بطلت عيووني قلت فـ خاطري عز الله عرست
والسنه اليايه ان شاء الله بتخرج وخاطري اسويلي حفلة تخرج واخطط لها من الحيين << صدق متفييجه ههه
بس والله اخاف عقب الحفله يصكووني بعيين واندم اني سويت الحفله
استويت ما احب التجمعاات
حتى يوم امي تسير اعراس تباني اسير وياها ما اسيير
اخااف
غير ان اخويه الصغير مره كانوا طالعين
ويوم ردوا فـ الدرب استواله تشنج و اغمى عليه
<< دووم تييه هالحاله
ودوه عند مطوع قال هااي عيين .. مثل لسعة الحنييش
وايد قوييه .. هالسالفه من سنه كان عمره سنتين ولين الحين تييه هالحاله
ادعووله الله يشفييه
حتى ع درجااتي حاسديني .. انزيين انتوا شدوا حيلكم وذاكروا بتيبوون اعلى عني بعد
اسمحوولي وايد طولت عليكم
اعتبروها فضفضه .. وابا نصايحكم
ولو سمحتوا اللي عندها رد يسم البدن ومن هوااة نشر المشاكل فـ المواضييع تحتفظ بردها لنفسها
لا تعطينهم مجال راوينا وشو تسوين وغيره كوني شوي دفشه أو لا تردين
انتي اقري على عمرج وقولي باسم الله وماشاء الله فويهم اذا حسيتي جي
الله يحفظج
والغلا عليج بالاذكار الصباح والمساء ما بتضرج بإذن الله
حاليا عالجي نفسج بالرقية وداومي على الاذكار تحفظج من كل شيء
أخااااااااااااااف من العين ,, خصوصاَ عقب اللي ياني من رمسه الناس اللي مايعرفون يقولون ماشاء الله
شو بنقوول الله يعينا عليييهم
بس انتي تحصني بالاذكار و خلي ايمانج بالله قوي و ان شاء الله ما بيصيبج مكروه
الله يحفظج يارب من كل حاسد
حاليا عالجي نفسج بالرقية وداومي على الاذكار تحفظج من كل شيء