بغيت اتفلسف اليوم عن موضوع احساس الام بنوع جنينها
انا من بداية حملي وانا احس ان الي في بطني ولد…بس مادري هل هذا احساس او مخلوط مع امنية (لأن عندي بنت وفي خاطري ولد)
كلهم حلوين اللهم لا اعتراض بس والله كان صدق في خاطري الولد..
عسب جذي مادري اذا مشاعر الرغبة والتمني بالانجاب بالمولود الذكر والاحساس بجنس الجنين اختلطو وكونو فيني هالاحساس
ورحت سويت كذا مرة الترا ساوند ومابين ..واخر مرة طلعت بنت (فديتها) والحمدالله راضية
بس بعدني احس ان الي في بطني ولد…مادري ليش
واحس اني اذا سويت الترا ساوند بيقولولي ولد…مادري ليش
مع ان وحامي نفس الوحام الي كان في بنتي بالضبط..100%
فهل الاحاسيس تصيب يا بنات؟
يعني هل لازمج الاحساس انه ولد وفعلا طلع من اول الترا ساوند انه ولد؟
او مرة حسيتي ان الي في بطنج بنت وغلطو في الاترا ساوند وقالولج ولد وفي النهاية طلعت بنت
شاركونا بخبراتكن
والسموحة على كثرة الفلسفة…بس بغيت اوصل المعلومة الي في خاطري
الحمدلله على عطيته
كلهم خير وبركه والحمدلله ع كل حال
في البنتين تمنيت ولد ولما اروح اشتري الثياب
اتمنى اخذ ثياب الاولاد لكن اتراجع
اما الحين مندفعة على ثياب البنات ماادري ليش
حتى لما شفت الدكتورة ولا بين في التراساوند انه ولد او بنت لحد الحين
قلت لها احساسي هذة المرة قوية انها بنت والله اعلم
ماادري ليش ومتعلقة فيها وخاطري اشوفها
يارب تكون بالصحه وعافية وتثبت لي الحمل ويكون ولادة طبيعية
مع انه الكل يقول ان الام تحس شو في داخلها
الدبة: في البيبي الثاني شكله اختلطت مشاعر الاحساس ويا الامنية وتمنيتي البنت لأن عندج ولد…شكلي الا مثلج
بس انتي ماقلتيلي شو كان احساسج بالحملين الاوليين..انتي بس قلتي امنيتج ان الله يرزقج بولد..بس شو عن الاحساس؟