هلا خواتي الصراح وايد عجبني نادي السفر والسياحه عطاني افكار حلوه
والله فخاطري اسافر.gif "12 (25)")
>>>>>أو ع الاقل اروح دبي لو يومين.gif "13 (47)")
…
بس افكر في بنتي و في اكلها…
سؤالي: لما تسافرين او تروحين تقضين يومين في فندق راقي من فنادق دبي و تشلين عيالج شو تكون احتياطاتج وكيف ترتبين رحلتج؟؟؟؟؟؟
انا بنتي عمرها تسع شهور,,,,وذا رحت دبي شو اشللها وهل اخذ سرير السفر؟؟؟؟
اتمنى المساعده.gif "44(14)")
…وشكرا.
لاشلين سرير .. شلي لحافها و الشرباك (يعني مثل السرير ولكنه له شرباك ع اطرافه لان يوم بترقد بتحطينها فيه ويوم بتيلسون في الفندق مثل الشي بتحطينها فيه مع العابها ) والحلو فيه يوم يسكر يظهر وايد صغير ..
ولازم وشي ضروري عربانه الياهل .. عشان لو تروحون منيه مناااك..
___________________________________
وخذيلها شنطه صغيره فيها ثيابها ومستلزماتها .. + شنطه صغير يعني لو رحتوا منيه مناك بعد
ولاتنسين اكلها والاشياء اللي تحبها .. + عصاير
اما الباقي مستلزماتج ..
البيبي الصغير اللي يتحرك او يتجلب لازم يكون في مكان انتي متطمنة عليه وانتي واعيه او راقده او مشغوله
يعني السرير امان .. انا كنت اخذ السرير معايه حتى لو اروح زياره عند هليه في مدينة ثانيه و راجعه نفس اليوم
والله اريح من الهم و روحي كل مره وهاتي الياهل
و كل شوي ادوريين حد يمسكه عشان تصلين ولا تروحين الحمام الله يعزج و يعز الباقين …
خلاصة القول شلي سرير السفرو طبعا اللحاف و الفراش
بالنسبه للأكل انا كنت اشل ابريق تسخين الماي صابون فيري في غرشه صغيره و فرشاة غسيل المراضع وسله صغيره احط فيها المراضع يوم اغسلهن
و الحليب و المراضع و البسكوت و السيريلاك و شاي الأطفال و مطارة الماي الحار و ماي عادي اضافي و صحن و ملعقه للبيبي وبعد آخذ فواكه اللي يحبها البيبي مثل الموز و التفاح و كنت بعد كنت آخذ الخضار الجاهزة فغراش اللي فالسوبر ماركت
ولا تقولين بشتري من هناك ..انتي مب رايحة حق تتشرين حق رحلتج اهناك
انتي رايحة تستانسين فلا تضيعين وقتج و تشترين من دبي
طبعا ما تنسين العاب للبيبي ..اي لعبه يحبها خذيها وياج احسن
شي ثاني بالنسبه لج .. اذا كنتي تحبين الشاي او الكرك خذي معاج اللازم احسن
انا طولت عليج في الكلام .. عشان جيه بسكت الحين احسن ههههههه
اذا بغيتي تعرفين شي زيادة راسليني على الخاص و انا حاضره
و رحلة سعيدة الغاليه
yasyeyah الصراحه ما قصرتي افدتيني واااااايد ونصائحج كانت راائعه…..
ام المزاايين شكرا ع المرور…
واذا حد عنده نصايح لايبخلن علينا….
في نصايح وايد بعد عندي
بس بطرش لج على الخاص