اتروحون المول او المستشفى او الجيم بروحكم

هل اتروحون المول او المستشفى او الجيم بروحكم

لاني قمت اروح هالاماكن بروحي اخواتي مشغولين بدواماتهم وعيالهم

وماعندي صديقات

يب اروح روحي

يب وعادي في البدايه تتصعبينها
بعدين عادي

أنا عكسج كنت كله بروحي (طبعاً وقتها مقاربة الثلاثين يعني مب بنت مراهقة) ماعرف اتسوق مع حد احب اتسوق بسرعة وماحب اتريا البطيئات او اللي يماطلن في التسوق او يعلقن بتعليقات سخيفة وهن في نظري ماعندهم ذوق في لبسهم
وما اتريا تناسب وقتي مع وقت غيري لأني كنت أشوف جذي بيخترب انتظامي في الجيم أو المعاهد اللي تدربت فيهم وبعد صعبة تودين اختج او ربيعتج العيادة او المستشفى وينتظرن معاج بالساعات لين يوصل دورج كل وحدة عندها مسؤوليات سواء دراسة او شغل او بيت
بس طبعاً ماكنت اروح نهائياً محلات الخياطة اللي في الشقق حتى لو عندهم حريم او خياطات او ادخل محل فيه بياعين رياييل ومافيه زباين حتى لو كان في مول وحتى المصعد مستحييييييييل اركبه ويكون فيه ريال او اكثر وان كنت انا الاول في المصعد ماسمح ابد حد من الرياييل يركب معاي حتى لو في وزارة " يعني الوحدة ما تخلي عمرها مثل العنزة الشاردة تتخشش تييب حق عمرها مشاكل" أو تكون في خلوة حتى لو محل

وعقب ماعرست الوضع تغير ريلي يسمح لي اسوق خطوط بروحي بس مايسمح اتسوق او اقضي اي شغل بروحي لازم العيال والخدامة معاهم او هو يكون معاي

عادي اروح بروحي

المستشفى اروح روحي
الجم مرات احاول اسحب حد وياي بس عادة بروحي و احاول اقرقر ف الجم و اتعرف
المول اسير مع اهلي او اهل ريلي او خواتي .او ربيعاتي………الخ

اسير كل مكان بروحي بس أتحذر من الاماكن إللي مافيها أوادم هاي أتحاشاها