ابى طريقه اعلم فيها بنتي الارقام من 1 الى 100؟؟؟؟؟؟

اشتريلها سيديات من التعليم المبكر ولا تويز آر اص

واايد مفيدات .. و كل يوم خليها تشوفهن و بتتعلم ان شاء الله

اتعرفين انا شاريه لعيالي سيديات تعليميه فالبيت ايشغلونهم عالكمبيوتر …. بخبرج كيف اتعامل معاهم

عيالي اعمارهم من kg1 وصف اول وصف ثاني وصف رابع ….. خزنت لهم في مفضلة الكمبيوتر موقع انجليزي وطبعا من ضمنه الارقام والحروف الانجليزيه وقلتلهم اللي يبا يلعب بالكمبيوتر اول شي يدخل هالموقع اللي في المفضله ويحفظ لي شي منه وعقب اذا شفته حفظ شي اخليه يلعب … ^_^

والله بس اسبوعين واعيالي ما شاء الله عندهم حصيله كبيرة من الكلمات الانجليزيه والارقام والجمع والطرح والضرب ……… هذا فالبيت

اما فالسيارة بعد شاريه اشرطه تعليميه واشرطة رسوم اللي هم يحبونها واقولهم اللي يبا يشوف الرسوم لازم قبل اتشغلون شريط تعليمي وعقب شوفوا اللي تبونه ……..

والحمدلله عيالي للحين امشين وعندهم حصيلة كبيرة من المعلومات على صغر سنهم ……..

أنا أدرس رياضيات .. في طريقة .. ان اتيبين بوستر او ورقة و تسوين جدول للأرقام من 1 الى 100.
و يوميا تقرين وياها الجدول ..مثلا اليوم من 1 الى 20 بعدين مثلا تختارين رقم .. و تقوليلها راويني اياه .. شو قبل العدد ..شو بعد العدد.. و تبدين طبعا من الاعداد السهلة الى الصعبة ..

و تقدرين بعد تستخدمينه للجمع و الطرح و العد بالاثنينات و الثلاثات و الخمسات و العشرات …
و يوم بشوف الارقام مكتوبة … بتتخزن في ذاكرتها احسن و اسرع.

تسلمن خواتي على ردودكم الحلوة ما فصرتوا