ابى الفزعه يابنات {{ تاج للشعر حق عرس ختيه ؟؟؟!!!}}

السلام عليكن بنات شحالكن عساكن طيبات وبخير

اليوم ابى مساعدتكن عرس ختيه عقب اسبوعين بالضبط واليوم خذت الفستان
وهو مخمل كامل بس فيه كسرات خفيفه عند الصدر وهو هاينكن يعني عند الرقبه مكان الهاينك خط كرستال بس يعين وايد سمبل وحلو ونحن خوات العروس فالكل يقول يعين لازم نلبس شي فيه شغل ومن هاي الرمسه بس انا احب السمبل المشكله اني بفل شعريه عسب اغطي الضهر بس انا اابى تاج حق شعريه وهب محصله شي حلو والله احس التيجان نصها مال يهال يعين ماادري جيف والله واميه مسوتليه طاف يوم اقولها ابى اخذ تاج فاي تاجره عندها تيجان راقيه تحطلي صور اشوفهن واذا وحده عندها تاج تحط صورته وتقولي من وين خذته وشواسعارهم يعني وبكون شاكره لكم ^^ بليز انقذوني

تبين رايي حبيبتي لا تحطي تاج فلي شعرج وسوي حركه بسيطه من فوق ولو بف حلو وحطي ورده طبيعيه ع اليم ع لو ن الفستان او لون 2 مدموج معها او بتقدر الي تسويلج شعرج تحطهم شرات التاج لو لورود صغيره بطلع وايد حلو وحركه نادره محد يسويها
هذا رايي وان شاء الله تلقين الي بخاطرج موفقه^^

اللهم يا قادراً على كل شيء .. اغفر لنا كل شيء وارحمنا برحمتك الواسعة التي رحمت بها كل شيء وإذا وقفنا بين يديك لا تسألنا عن أي شيء فإنك أهل التقوى وأهل المغفرة

هلا الغلا
فدييييتج انا عندي تااااج ذهبي واااااااايد حلوووو ويديد مالبسته غييير ساعتين .. اذا بغيتي صووورته راسليني ع الخاااص ..
موووفقه فديييتج

هلا غلايه حبيت الفكره والله بس بحصل ورده تركواز ؟؟؟!!!!!!!!

اختي بتحصلين في سوق الجديم والله تيجانهم حلوه … لونها فضي والله من شفتها عيبتني كنت باخذه لي بس عقب طنشت وما رحت والله لمعه وفصوص. والسموحه خيتي حلوو بكون مع النفخه ويوم اتفلين شعرج ولسموحه