ابني والتكنولوجيا

عندي ولد عمره 3سنوات يوم يمسك بالشي ما يرضى يخليه أبد يعني يوم اشغل له التلفزيون ما يرضى ابنده ويوم يمسك الايباد ما يخليه لين يفضي والكمبيوتر نفس الشي المشكلة انه ولدي الكبير و ما عنده حد وقلما يحتك مع الناس فقررت اشل التلفزيون والحين ما نشوفه من كم شهر الحمد لله صار فيه تحسن وصار يظهر مع عيال عمه وعماته قبل ما يرضى يظهر أحيانا أحس أني ضالمته وأقول انه طفل يبا يلعب ويشوف كرتون مثل الأطفال بس أحس انه هالشي بياثر ع نظره وتصرفاته فكيف أقلل من تمسكه بها لأشياء يعني يشوف شوي عقب يروح يدور شئ ثاني أو يظهر يلعب أحس انه مب حركي بس يحب يقعد ويلعب مكانه فساعدوني الله يبارك فيكم

شوفى حبيبتي هالجيل كله هيك
ابني عمره 4سنين ونص طول الوقت يبا لاب وتلفزيون
بس الحين اعطيه ساعتين فاليوم عالاب يلعب
وتلفزيون يحط على قناة البراعم والحمدلله يفهم انه الاغاني حرام ومايرضي يحط على قنوات الاطفال اللى فيها اغاني
حتي يوم بنتي تحب قناة كناري ويجيبو اغنيه يقولى غيري حرام
شوفى انتى اسمحيله ساعه او ساعتين فاليوم
وروحي اشتريله كتب تلوين ومعجون رح ينسجم فيهن انا كذا سويت مع بنتي حتي يوم ابني يكتب واجبه احطله تلوين عشان تترك اخوها يكتب براحه

لازم انت اتحطين حدود أختي واتطبقينها ..

تعالي شوفي بنتي بتخرب كل شي سواء التلفزيون او الاي باد او حتى التلفونات ومب راضيه ترمس احس عقلها صغير واهيه عمرها 3 سنوات

نفس ولدي 10 سنوات وبيمووووووووووووووووووووووووووووووت على شي اسمه العاب اكترونيه

الألعاب الإلكترونية دمار لعقول الأطفال وتخليهم انطواءيين ويحبون العزلة
انصحج أختي انه تخلينه يلعب مع الأطفال ولا تحرمينه من الإلكترونيات بس بحدود المعقول
خاصه انه صغير بالسن