ابغي حل لعلاج الثعلبة والاثار الناتجة عنها بسرعة

السلام عليكم اخواتي انا اعاني من الثعلبة لي الحينة تقريبا ثلاثة سنوات وما تم عيادة ماسرت حتي عيادة سعاد لطفي رحت عندها كلهم علاج ابرة تحت جلد الراس وفيها كرتوزون ومن كثر ماخذتها اصبحت اخذ الابره من صوب وبعد يوم نصف وجهي يورم من اثار الابر حتي سافرت مصر واخر شي قول لي استعملي الثوم و الله استعملته والحمده خف اشويه بس الحينة عندي مكان وين الثعلبة مانبت الشعر وجربت كل الزيوت تقربيا والله اللي عندها حل صدق او زيت مفيد تساعدني الله يجزيكم خير عني انشالله وسمحلو على الاطالة

فديتج

روحي زين الاتات وبيعطونج كورس لعلاج الثعلبه طبعا مب يوم ويومين يمكن سنه وسنتين بس علاجهم اكيد

الثوووووووووووووووووم ومالج غير الثووم

الــــــــثــووووووووووووووم والله ان الثوووووووووم هو علاجهاا ..

امي كانت تعاني منها من 3 سنوات تقريباا .. وتعالج بالثووووم .. والله دووووووم انا افرك راسها بالثوم ..

وسبحان الله ينبت لها شعر من اول ويديد .. كان واحد محلقتنه … ونبت شعره

والحين ردت لهاا مره 2 .. و استخدمت ثوم بعد .. و الحمد الله نبت شعر مكان الثعلبه ..

فركي ثووووووووم في مكان الثعلبه ودوومي ع الثوم وبتشوووفين النتيجه

ثوم ثوم ثوم…استمري عليه شكلها تروح وتي عنج…لا تقطعين الثوم…فركي المكان كل يوم اذا تقدرين او يوم تفركيم ويوم لا…ولا تطلعين في الشمس…خليه من العصر لين الليل عن تجربه شخصيه…ولله يفيج يااااااااااااااا رب

اختي انا صارت لي ثعلبه بس من اول ما حسيت فيها على طول اخذت الابار واستمريت والحمدالله طلع الشعر

اختي اول شي توكيلي على الله واصبري المومن كل امر يصير له ماجور عليه ان شاء الله

الثعلبه من اهم اسبابه الحاله النفسيه …يعني بتكون جتلج من وراى زعل او مشاكل ….اختي حاولي نفسيتج تكون مرتاح ولا تفكرين وايد في الثعلبه لان لها علاج بس اصبري

اختي انا عالجت عند الدكتور عاى التكمجي واذا ما تبغين دكتور رجل البلد متروسه من الدكتورات بس استمري على العلاج حتى لو طول

مشكورات خواتي والله يعطيكم الصحة و العافية انشالله ويحقق لكم كل امانيكم انشالله ويرزقكم ويستر عليكم دنيا واخره ويفرجها عليكم مثل ما تحاولون تفرجون كربتي والله ماتعرفون شوه قد فرحت يوم شفت الردود السريعة وانشالله بستمر على الثوم صدق الرد الواحد بقوله لكم الله يجزيكم عني الف خير ام الهنوف2