حبيباتي عندي كم سؤال مهم خطر على بالي وانا متاكده انكن بتفيدوني ان شاء الله وبتجاوبون على اسئلتي……..
1. يوم العرس عقب ما يزفونج انتي وزوجج كيف قدرتي اتشلين طن المكياج من على ويهج وهل شليتيه بالكامل ولا خليتي جزء منه؟
2. هذا سؤال محرج شوي بس ما عندي حد اساله شو عن التهابات شهر العسل اكيد انتوا فاهمين عدل سؤالي، هل خذتوا وياكم كريم او مرهم عشان يخفف الالتهابات ولا شو سويتي؟
3. كثير ما نسمع عن اول يوم الدخله ومخاوف ليلة الدخله مع اني عرسي عقب 5 شهور وانا من الحين زايغه واوسوس ، اللي يعيني شو بيصير فيني يوم العرس، هل هذا مخاوف ما لها اساس من الصحه ولا فعلا كان مخاوف تتطابق الحقيقه من الم ونزف وما شابه؟؟؟؟؟؟
4. مشكلتي ما اعرف وانتوا بكرامه ازيل الشعر من المنطقه الحساسه بالحلاوة لاني تعودت على الموس ومشكلتي ما اقدر انظف المنطقه 100% لاني وايد اوسوس واخاف، خبريني شو سويتي قبل عرسج شو استخدمتي عشان تكون المنطقه نظيفه 100% ونسمع وايد بنات يسيرن الصالون ويشيلين الشعر ، الصراحه احس هالشي غلط وحرام اساسا، بس اللي مثل حالتي ما اتعرف اتنظف عدل 100% شو اتسوي؟
5. هل يوم كنتي في فتره الخطوبه طول الوقت مرتبكه وخايفه من الزواج وهل الافكار تودي وتييب ولا بس انا اللي هالشي اللي جايسني؟؟؟
دعواتكم لي ان ربي يوفقني ويسهل اموري وعقبال كل بنوته وان شاء الله كل متزوجه تتهنى وتسعد وربي يوفقها ويحقق اللي في بالها
* تراني اعتبركم مثل خواتي واجابتكم على اسئلتي راح تفيدني وتفيدني وايد بعد وجزاكم الله الف خير مقدما
وبالنسبه للشعر حاولي قد ماتقدرين تنظفينه روحج لانه مووول مب حلوه انج اتسيرين الصالون عسب هالشي وحرراااام بعد واذا تخافين يعورج استخدمي مرهم املي يخدر المنطقه بس لاتستخدمينه واايد استخدميه اول مره بس بعدين بتتعودين اتشلينه روحج حتى لو يعور شوي وسويلج حمام مغربي بروحج فالبيت احسن هالي اعرفه والسموووحه
2 الصراحه انا عرسي كان مال اول واستخدمت الفازلين بس الحين في جل للمنطقه الحساسه وفي غسول سيباميد وايد زين.
3 لا تخافين حبيبتي هذا الشعور لابد منه بس بيكون في الم بسيط واذا نزل دم (كرمتي) هذا لازم.
4 الغاليه حاولي من اليوم تشيلين بالحلاوه لانها تخفف الشعر في هالمنطقه وتنظفه.
5 مع ان فترة خطوبتي كانت قصيره وايد ومشغوله في التزهيب بعد كنت افكر مثلج ولا تخافين.
الله يوفقج ويتمملج على خير انشا الله.
المشاركة الأصلية كتبت بواسطة أمورة دبي 
و عليكم السلاااام والرحمه ^^
حبيباتي عندي كم سؤال مهم خطر على بالي وانا متاكده انكن بتفيدوني ان شاء الله وبتجاوبون على اسئلتي……..
حياج اتفضلي … و اللي نقدر عليه بنسويه … حاظرين للطيبين ^^
1. يوم العرس عقب ما يزفونج انتي وزوجج كيف قدرتي اتشلين طن المكياج من على ويهج وهل شليتيه بالكامل ولا خليتي جزء منه؟
أنا يوم عرسي مسحت المكياج كامل (قلبي عورني لأن المكياج كان وااايد عايبني بس معظم الرياييل يحبون المكياج يكون خفيف و بسيط و مكياج العروس عندنا ما شاء الله مثل ما قلتي طن) .. كنت ما خذه معايه الكلينكس المعطر اللي يمسح المكياج و مثل ما تعرفون في واايد أنواع .. و عقب ما مسحت المكياج .. سبحت بس ما غسلت شعري لأن لما سويت التسريحه قلت للكوافيره قد ما تقدر تقلل من الاسبريه ^_^
حطيت مكياج بسيط و خفيف و لبست و تعطرت ….
2. هذا سؤال محرج شوي بس ما عندي حد اساله شو عن التهابات شهر العسل اكيد انتوا فاهمين عدل سؤالي، هل خذتوا وياكم كريم او مرهم عشان يخفف الالتهابات ولا شو سويتي؟
سرت الصيدليه و خذت مطهر … حبيبتي .. إذا لا سمح الله و صار عندج التهاب .. المفروض تبعدون عن بعض منعا للعدوى (هذا كلام الدكتوره) .. فإذا عنج أي مشكله بالمنطقه عالجيها قبل العرس
3. كثير ما نسمع عن اول يوم الدخله ومخاوف ليلة الدخله مع اني عرسي عقب 5 شهور وانا من الحين زايغه واوسوس ، اللي يعيني شو بيصير فيني يوم العرس، هل هذا مخاوف ما لها اساس من الصحه ولا فعلا كان مخاوف تتطابق الحقيقه من الم ونزف وما شابه؟؟؟؟؟؟
شي طبيعي الوحده تقعد اتفكر في هالشي
صح في ألم بس إذا انتي وااايد خايفه و متوتره بيزيد الألم و إذا حاولتي تتقبلين الموضوع على إنه شوية ألم و عقب خلاص بيكون الموضوع شبه عادي … هههههههه
4. مشكلتي ما اعرف وانتوا بكرامه ازيل الشعر من المنطقه الحساسه بالحلاوة لاني تعودت على الموس ومشكلتي ما اقدر انظف المنطقه 100% لاني وايد اوسوس واخاف، خبريني شو سويتي قبل عرسج شو استخدمتي عشان تكون المنطقه نظيفه 100% ونسمع وايد بنات يسيرن الصالون ويشيلين الشعر ، الصراحه احس هالشي غلط وحرام اساسا، بس اللي مثل حالتي ما اتعرف اتنظف عدل 100% شو اتسوي؟
انا نفسج … الشهر الياي بكمل سنه و بعدني ما أشيل عدل و مثل ما يقولون : الله يخلي الموس و الله يجزي اللي اخترعه كل خير … يكملج العمليه خخخخخخخ …… لوووووووول
5. هل يوم كنتي في فتره الخطوبه طول الوقت مرتبكه وخايفه من الزواج وهل الافكار تودي وتييب ولا بس انا اللي هالشي اللي جايسني؟؟؟
ما كنت مفتكره فالموضوع حتى … بس يمكن على آخر كم اسبوع قبل العرس بديت أفكر .. ليش اتعورين راسج و اتفكرين من الحين .. كل شي بوقته حلو
دعواتكم لي ان ربي يوفقني ويسهل اموري وعقبال كل بنوته وان شاء الله كل متزوجه تتهنى وتسعد وربي يوفقها ويحقق اللي في بالها
الله يوفقج و يسهل عليج و يرزقج بالذريه الصالحه
* تراني اعتبركم مثل خواتي واجابتكم على اسئلتي راح تفيدني وتفيدني وايد بعد وجزاكم الله الف خير مقدما
و نحن بعد نعتبرج اخت ^^
و في مطهر في الصيدليه للمناطق الحساسه هذا لازم كل يوم تستخدمينه حتى قبل ما تعرسين لانه زين للبنات …
و عن سالفة الخوف انا مثلج واااااااااااااااااااااااااااي كنت خايفه ( انا بعدني ما عرست عرسي في 7)
لدرجة اني اتم اصيح بس بعدين تميت اقرا كتب ( مش اي كتاب ينفع ) و تميت افكر في الزوج هو مش وحش بالعكس هو انسان يحس و يفهم … تمي فكري في هو كازوج يحبج و خلي الوساوس عنج ..
و الشعر حاولي انج تنظفين كل يوم جزء لين ما تتمكنين و تكون عندج خبره ( نظفي بالحلاوه و اباقي الي ما ينشل بماكينة بروان اذا عندج او ملقط …
اللــــــــــــه يوفقج و يسر امورج و يسعدج ..
^_^