عساكم بصحه وعافيه
بنات ويا الطباخات الماهرات اذا ما عليكم اماره بغيت طريقة المسععه ما اعرف اسمها بالظبط اللي فيها باذنجان ولحم او دياي.. مره وحده كلت هالاكلاته ومن عقبها سافرت البشكاره ولا خذت المقادير عنها ..
والحينه متوحمه عليه اخاف تطلع اسم الاكله عالبيبي خخخخخخخخخخخخخخ …ومحد يعرف هالاكله فقلت محد بيساعدني الا بنات المنتدى الطبيخات
واللي بتعطيني الطبخه بدعيلها من خاطري وفقيام الليل بعد …
والسموحه
اتريا المقادير بفارغ الصبر…
لا تبطن عليه يالغاليات …
اتقطعين باذنجان حلقات وترشين عليه ملح واتخلين ماه ينزل وعقب تقلينه وتنشفينه واتخلينه على ينب ..
الحشوه :
اتحطين لحم مفروم من غير اي زيت ولا بصل ف مقلى .. واتخلينه لين ينشف ماه وعقب حطي ملعقتين زيت والبصل واتخلينه لين يذبل البصل .. وعقب اتضيفين الثوم المدقوق .. وبعدها اتكونين امقطعه فلفل بارد لونه احمر مربعات اصغيره واتضيفينه .. وعقب اتضيفين خلطه خلطيها ف الخلاط ( 4 طماطات + فنيال زيت زيتون + حبة ماجي ) واتحطيها على الخليط السابق ويوم اتشوفين الخلطه اتسبكت يعني غلطت اتحطين شبت وكزبره مفرومه ولا تنسين البهارات اللي تبينها انا احط فلفل اسود وسنوت ( كمون) وبعدين اطفي عليها ..لازم اتحطين ملعقة سكر قبل لا اطفين على النار ( نسيتها ) .
التغطيه :
4 ملاعق جبنة كرافت + علبة ويبنج كريم + ربع كوب ماي .
تيبين بايركس واتصفين حلقات الباذنجان واتحطين عليها نص الحشوه واتصبين كم ملعقه من خلطة التغطيه .. واتردين اتحطين بعد حلقان باذنجان ومره ثانيه حشوه واخر شي باقي التغطيه وادخلينها ف الفرن وقبل ما اتظهرينها من الفرن بخمس دقايق وزعي موزريلا على الويه وسلامتج..وابا اعرف رايج فيها
على فكره بتنسين الاكله اللي امسوتنا شغالتكم عقب ما تيربين هالطريقه .. والسمووحه
ميروووه
والله يحققلج كل مرادج ان شاء الله
ويسعدج دنيا واخره ياربي
ويجلعج فالفردوس الاعلى ان شاء الله
ان شاء الله يفيدج السمووووووووحه