اشحالكم؟ عساكم بخير ^___^
عندي مشكله.. بس هي مب مشكله.. يعني بس ابا آراء لا أكثر و لا أقل =)
.
.
.
إذا انتي بنت في العشرينات و تشتغلين و يالسه تكملين دراستج و طبعا شغلج و حياتج كلها فيه الإمارة.. و تقدملج واحد من نفس إمارتج لكنه يشتغل في إمارة ثانية يعني ما ينزل إمارتج إلا في الويكند..
عمره زين و عنده منصب و معارف مهمين و ما شا الله يالس يدرس ماجستير و ملتزم و كل شي حلو و تمام.. و السبب اللي خلاه يسير الإمارة الثانية *بوظبي* هو لسبب الكل يعرفه.. إنه الرواتب و العلاوات و كل شي أحسن هناك.. حتى أحسن عن دبي *اللي هي الإمارة اللي هو اصلا منها*
و هالشي معروف و محد يقدر ينكره
و هالشخص طلب منج تسيرين وياه أي إمارة كان هو يشتغل فيها فهل بتوافقين؟
يعني بتودرين كل شي و بتعرسين و بتسيرين الإمارة الثانية
يوم أفكر فيها.. أحسها وايد وايد وايد وايد وايد صعبة أودر اهلي و دوامي و دراستي و اسير مكان اكون فيه بروحي
انا شايفه مواضيع بنات يقولون انهم ودروا المكان اللي عايشين فيه.. و عايشين احينه ويا رياييلهم في مكان ثاني
يعني كيف ترومين تخلين كل شي و تسيرين؟
تستقيلين من وظيفتج و تبتعدين عن اهلج.. لو اي شي صار.. مالج غير هالريل.. الله يعلم لو هو ريال ينشد فيه الظهر و لا لا
كيف بتردين تبنين حياتج من اول و يديد في مكان غريب عمرج ما سرتيه..!!
و مع انسان غريب بعد..!!
و هالانسان شايف إنه المستقبل في هالمكان.. و يروم يحقق طموحاته و يريحج لانه كل شي احسن
بس انتي مرتاحه في امارتج لانج عايشه فيها طول عمرج.. و عارفه كل شبر فيها..!!
هل الموضوع مجرد موضوع تعود؟
و شي بنات ساروا إمارة ثانية و حسوا انهم ما تأقلموا؟
و احيانا يكون اقتناع الريال.. إنه شي ناس انتقلوا من دولة لدولة.. يعني انتي اللهم بتنتقلين من مكان لمكان في نفس دولتج..!
الموضوع ف بالي من فترة و حبيت أنزله ^_____^
يبا ايخليني ويا امه واييني بس فالويكند وانا مب راضية,,,
انا من دبي وخذت ظبياني وما كنا نعرفهم
أول الايام ما كنت متعوده ع المكان والناس
بس التهيت بالدراسه والحمدلله ربج يسر وكملت سنتين احينه
طبعا ماشي شرات المكان اللي ربيتي فيه وظريتي عليه
بس اللي الله كاتبنه يستوي بيستوي فديتج
والفرق بسيط اللهم ساعه ونص وانتي فنص زحمة دبي لوووول
وعلى فكره يوم تكونين بعيده عن اهله واهلج تكونون وااايد جراب من بعض
وبتتعودون على بعض اسرع
استخيري والله بييسر امورج
^^
بس قلبي ما يطاوعني اهد دبي وهلي …
كل بنت وقدرتها في التأقلم
في ناس ما تفرق عندهم وفي ناس تفرق عندهم وايد