أول يوم تدريس-للمعلمات الجدد

في وايد أشيا ممكن نسويها اول يوم تدريس في حصة Get to Know your Student. بس افضل شيئين عندي هم:

1. Talk about your self – Discussion النقاش:

تجمعين طلابج على carpet او الكورنر او اللي يريحكم (اتمنى تكون عندكم نقطة تجمع في الكلاس لانها وايد مهمة و حلوة في التدريس), تراوينهم بطاقة مكتوب عليها أسمج و في الجهة الثانية أشياء تكون عنج انتي راسمتنها.

– تراوينهم الجهة اللي مكتوب فيها اسمج و تبدين تقولين عن نفسج شو راح ادرسينهم و كيف و ليش و الخ.

– ممكن تعطينهم فرصة يسألونج أسألة ولاتحمجين عليهم يوم يسؤلونج (ms. How old are you?) احلى شي يوم تستهبلين عليهم ( older than you ولا big enough to teach you)

– عقب تراوينهم الجهة اللي فيها الرسومات و تقولين لهم انه ها لصور ممكن تقولهم أشيا عنج, عاد اسمعي منهم شو بيقولون (استحملي شوية استهبال منهم خخخ) وعقب ابدي خبريهم (مثلا: احب الطبيعة واللون البرتقالي هو….. الخ)

– الحين انتي حابة تعرفين عنهم فساليهم يسوون بطاقة نفس اللي عندج اتعرف عن نفسهم- جهة الاسم و الجهة الثانية يرسمون 3 اشيا عن انفسهم(هني تقدرين تقولين لهم يردون لطاولاتهم لانه بيحتاجون تقصيص و تلويين و تفنين).

– ومرة ثانية ارجعوا الي carpet بس هالمرة كل طالب يتكلم عن نفسه جدام الباجين. وممكن تخلينهم يسالون بعض. وتفاعلي معاهم (منبهرة – مندهشة – مستانسة- كل حركات بارني سوييها خخخ)

ممكن تخلين هال activity جزء من حصة او الحصة كاملة. انا عن نفسي خذت حصة كاملة لانها كانت وناسة واليهال حبوا يتفننوا برسوماتهم فخليتهم براحتهم.

خلي كلامج كله بالانجليزي لكن هم اونه عادي اول يوم يسألونج بالعربي وتردين عليهم بالانجليش.

يتبع رقم 2. بس مب الحين تعبت من زود ماكتب المشكلة تعبيري بالعربي ميح. السموحة منكم.