بصراحه مادري كيف أبتدي .. !!
لكن للأسف مشكلتي مشكلة نفسية قبل لا تكون نتايجها جسدية !!
مشكلتي اني وايد أفكر بالجنس وكيف بكون مع عريس الغفلة و.. و .. و .. و .. إلــخ
أتم أفكر وأحيان والله أتعوذ من الشيطان بس مافي فايدة أتم أكمل التفكير
أنا بنت الحمدلله ما أسمع أغاني ومهتدية وإن شالله أتم على هالحال لين آخر يوم بعمري ،
يتني فترة نسيت موضوع العادة السرية لكن عادت حليمة لعادتها القديمة،
ومرة قريت ان ناكح يديه ملعون ، فما عرف هل هالحديث صحيح ولا؟
وياترى هل لعنه جماع اليد هي سبب في وقف نصيبي ؟
بنات دخيلكم إدعولي ان ربي ييسر أمر زواجي ويتم الستر علي،
لآن بصراحه العادة السرية مأثرة علي 90% من حياتي..
والله فيني صيحه من خاطري على الحال الي وصلت له ..!!
السموحة منكم
استغفري الله قبل النوم 100 مرة واشغلي نفسج بقراءة القرااان
ولو تحفظي المصحف احسن لج بيشغل فكرج عن هاي السوااالف الوصخه
وبعدين انتي تاجره يعني اشغلي نفسج في التجارة وكيف اطورينها
وان شاء الله ايجج ولد الحلال اللي يستر عليج ويملي فراغج
وتصرفي التفكير في هذي الامور ..
الغالية — الله يعينج على هـ الشي …
مره سمعت شيخ و واعظ و موجهة للشباب .. يعظ الشباب بشكل عام … لتخلص من هالعادة ..
وعطاهم أكثر من حل من بين الحلول اللي اذكرها ..
الرياضة – أكثري من الرياضة
يعني جسمج بيتعب فــ الرياضه وتفكيرج بيبتعد عن هالشي ..
ويوم تييج الفكرة غيري مكانج – استغفر – قومي امشي سوي رياضة ..!
ولا تيلسين اروحج خالطي الجماعة وتمي سولفي .. لين تروح هالفكرة عنج ..
لنه هالشي محرم عند رب العالمين … وبعد هالشي مضر للجسم ..
والله يعينج ويصلحج يا رب …
و تمي ادعي فـ سجودج أنه الله يبعد هالشي عنج – وساعدي نفس بالطرق المتعدده …!
ودوري فالنت – لــشيوخ يتكلمون فهالشي .. وكيف يمكن أنج تتخلصين منه ..
ومافي واحد معصوم من الغلط بس الغلط يوم لواحد يستمر فالغلط حياتي
وخلي عنج هالطبيعه لانها مب زينه وبتأثر عليج ومثل ما قلتي انها مأثره عليج 90% يعني استنج انج تمارسين هالعاده من زمان ..
واذا تبين تودرين عنج هالحركه قبل لا ترقدين اتوضي اقري قرآن وكل ما تخطر فبالج الحركة تمي استغفري غناتي واشغلي عمرج باي شي سولفي اظهري واذكري ان ربج مابكون راضي عليج لان هالشي محرم
وصيبج ياي ياي حبيبتي لا تستعيلين وماحد بياخذ غير نصيبه ^.*
والله يوفقج يالغاليه
واذا يتج الفكره روحي قعدي مع هلج او اي احد
الهي وقتج لا تقعدي بروحج