أنا شبه صلعاء .منذ نعومة أظافري أنقذوني يا ناس من هذا العذاب

السلام عليكم ورحمة الله وبركاته

كيف حالكم خواتي ؟؟

بدخلكم في الموضوع على طول..

أنا شبه صلعاء من كنت صغيرة ..تقريبا من كنت طفلة اتذكر كل ما اسير مع امي اتقصلي شعري في الحلاق كلهم يقعدون يقولون شو هذا دوريلها حل و الصالون كله يقعدون يرمسون عليه
ولين الحين و انا بهالحال..

شعري خفيف وايد لدرجة انه فروة راسي تبين وايد..ووايد رحت عن دكاترة و سولي تحاليل كثيرة ..اخر شي قالولي وراااااااثي..

من اول ما بلغت (سن 12..) وانا احاول مع خلطات الشعر ..تخيلوا بنت عمرها 12 تقرى كتب وصفات شعر ..انتوا الحين تهتمون بهالأشياء ..انا من كنت ياهل اسوي و اجرب و اقرى ..عندي الحين خبرة من كثر ما جربت وحاولت ..ومع كل هذا ولا شي فادني..الحين عمري 28 .. وشعري من سيئ إلى أسوء .

قريب يمكن أعرس ..

من فترة اسوي ريجيم وعاد شعري يطيح دبل بسبته..
والله العظيم اليوم قعدت اصيح صياح ..ما اريد اغش إلي خطبوني .. ولو عرفوا شو بيقولون..ومنو بيقبلني لو هم ما بغوني عشان هالشي؟؟

والله تعبت يا بنات ..
لا تقولون زرع .. ما اريدهم يطرطرون راسي …شفت صور لعملية الزرع والله تخرع

أفكر في اليزر لإنبات الشعر إلي في مركز الأمير الطبي.. ..ما ادري لو حد جربه ؟؟ هالحل إلي اقدر افكر فيه

خبروني بنات ..شوروا عليه شو الحل؟؟؟؟؟؟؟؟؟والله اني تعبت

الله يعيينج أنا في بداية الصلع أحيين وأدور علاج

الله يعينج اختيه

ماحبيت اطلع بدون ما اكتب شي وادعيلج

لكل داء دواء اختى حالتج احسن حل لها هو الزرع وانا وضعى مثل وضعج بس انا كان شعرى غليظ وطويل لكن بسبب الحمل والولادة واصبت بمرض الغدة الدرقية تلخبط الهرمون تساقط شعرى بصورة مش طبيعية وصرت صلعة وخصوصا من جدام وتعبت من العلاج والزيوت والله ما فادنى غير الزراعة زرعت شعرى والحمد لله اللحين صار لى شعر والعملية سهلة وما فيها كل ها التعقيد بنج موضعى ويحطون لج بصيلات فى الاماكن الفاضية وكلها 5 شهور ولا شعرج طالع والله كريم شوفى شو احسن دكتور عندكم فى الامارات لانى انا مش من الا مارات

انزين في علاج للصلع الوراثي ومصدق عليه من وزارة الصحه الامريكية وهو الدوا الوحيد المعترف فيه لعلاج حالات الصلع الوراثي،، هو بخاخ اسمه الطبي مينوكسديل minoxdil

ممكن يكون بعده اشكال تجارية منها الريجين ،، هير جين،، هيرباك،، الروجين،،

الدكاترة ما وصفولج هالدوا؟؟؟

سمعتهم يمدحون الليزر اللي في مركز الأمير الطبي..

و الله العظيم مثل حالتي بس أنا بدأ عندي من سن 15 بدا يتساقط شعري صرت شرات الصلعة من جدام مبينه صلعتي و الله استحي أشيل الشيلة من فوق راسي بسبته ما خليت شي بس شو نقول الله كريم انا ما أحب أسوي زرع أواريد أسير المستشفى ومترددة مب عارفة شو أسوي خواتي ما شاء الله عليهن شعرهن غليظ و طويل و يقولن لي تعالي مشطي شعرنا و انا أرفض لأني أنقهر الواحد يقول الحمدالله ،الله يعينج و يعين اللي أمثالنا