خواتي عندي مشكلة ولا عارفة وش اسوي……… قلت انتن خواتي ولا بتقصرن علي بنصيحة
انا متزوجة صار لي سنة تقريبا…….. من يوم ماتزوجت وزوجي على طبعه ماتغير
اهله متدخلين ف حياتنا لأبعد الحدود………وخصوصا اخته الكبيرة،،،،،،، ،،،،،، اتخيلن،،،،،،،،،، ريلي طول الوقت ف بيت اهله،،،،،،، هيه دقايق معدودة اللي يقعد ف بيته، اروح معاه واقعد بس استأذن وارجع عشان اخلص اشغال البيت لانه هو عادي يقعد فوق السبع ساعات، وهو يقولي برايج روحي ،،،،،، واخته تغار مني بشكل ماتتخيلونه،،، من اول ماتزوجنا للحين وهيه على طبعها،،،،، وهو عاطنها الصلاحيات تدخل ف حياتنا،،،حتى يوم تغتاظ مني لاي سبب وتقوله طلق زوجتك….. يرجع البيت يهازبني ويقولي عادي بيطلقني لو هله مايبوني
انتوا يمكن تظنون اني سويت فيها شي،،،،،،، انامالي خص فيها بس مادري ليش تعاملني جي،،،
هيه صحيح انها اخته العودة واجرب الناس له،،،،،،، بس احس مالي وجود ف حياته
حتى اشياء اخبره عنها الاقيه قايل حق اخته والحين صرت ما اثق فيه،،،، ولا قادرة اقوله شي ….لان اخته بروحها قايلة انه هو متعود مايخش عنها شي
حتى عقب ماتزوجنا هي تبا تسوي له كل شي… تطبخ له، ودوم تعزمه عندهم، وحتى لو ماعزمته هو بيروح،،،،،،،،،، واحس وايد اشياء يرفضها مني ويقبلها من اخته
اخته هذه متزوجة وتطلقت وعايشة ويا عيالها مع اهلها…يعني اهل زوجي.
وزوجي يموت ف عيالها وهيه محملتنه مسؤؤليتهم ف كل شي
بنات انا تعبت و اصيح ليل نهارمن كثر المشاكل اللي بيني وبين زوجي،،،،،، يعني اتخيلن من يوم ماتزوجنا وهو مايقعد فالبيت ولا اشوفه الا تالي الليل،،، جزء كبير من وقته عند اخته، والباجي برا البيت عند ربعه او في العزايم، قعدت معاه حاولت اعرف ليش هو جي واذا انا مقصرة معاه يقولي ماشي،،،،،،، مب عارفة اتقرب منه لاني مب محصلتنه،،، واخته مب تاركة لي وقت معاه،،، قعدت معاها وكلمتها بهدوء وبدل ما تتقبل موقفي اغتاظت مني اكثر وخلت زوجي يضايج مني وقامت تفتري علي،،، قامت تطلع علي رمسة واشياء ماقلتها وزوجي ىيصدقها ويرجع البيت يهازبني ولا يصدق اذا قلت له ماقلت هالشي
ساعات يقول انه يكرهني ،،،،، وساعات يسبني،،،،،، وساعات يقول انه ندمان ع زواجه مني
بنات اتا تعبانة،،،،،،، ابا احس بسعادة مع زوجي،،،،،،،، انا احبه بس المشاكل اليومية بنت بينا اسوار،،،،،،،، مب عارفة اتواصل وياه.
بس تعبت،،،،،، الحين حتى طلعات مايطلعني،،،،،، ولا مهتم فيني….
خبروني كيف اقدر اتقرب منه وكيف اجذبه للبيت،،،،،،، اناحاولت بطرق كثيرة خلال هالسنة،،،،،، بالكلام الحلو والهادي،،،،،، بالملابس والتزين،، بترتيب البيت،،،،،، بالطبخ اذا ياني قبل الليل،،، انا اتفنن له بالطبخ،، بس عادي اطبخ واخلص ويقول اختي عازمتني،،،، وهالشي بشكل متكرر ونادرا ماياكل عندي لانها دوم تتصل له وتقول له عازمتنه
بنات تراني مااتضايج اذا ازوجي يقوم بواجبه نجاه اهله، بالعكس اشجعه،، لكن المشكلة اخته مزودتنها وايد،،،،،،،لدرجة ان طلاقي متوقف ع رضاها عني،، وهي اصلا مب متقبلتني وحتى يوم اروح عندهم …. ماتعطيني ويه
بالنسبة للعيال،،،،للحين الله مارزقنا،،،،،، بس ما احس ان موضوع العيال له خص لان زوجي على هالحال سنة كاملةش
ما اعرف كيف اكتب مشكلتي وادري يمكن كلامي مب مرتب، اسمحولي..
الله يجزاكن خير ساعدني بالنصايح،،
اتصدقين تغار منج ولانها مطلقه تحس اكثر بالغيره والحقد حسبي الله عليها من بنت حاولي اتفهمينه اللي مبينكم مايطلع وبعدين اتصلي له ولو كان يالس عندها قوليله اباك فموضوع تعال ويوم اييج قوليله ترضى عليه ايلس اروحي؟ حاول بكل الطرق تستميلينه واذ ماطاع ولافاد فيه قوليله بسير بيت اهليه كمن يوم ارتاح بلقى حد ايلس عنده وسيري بيت اهلج ويوم تردين كل مايي يبا ييلس وياج بالليل رقدي ولاتعطينه مجال ييلس وياج ويوم بيحس بها الشي وانج متغيره قوليله يغير اسلوبه
لاحول الله قسم بالله الظغط ارتفع
شو هالحاله عنبوه لااحساس ولا شي عنلاتها كيف ترضى جذيه والله بموت من القهر
حاولت وياه بالطرق اللي قلتوا عنها،،،،،،،،،،،، وقمت اسير بيت اهلي،،،،، وارقد عنه بالليل ولا شي فايدة،،،،،،، بالعكس يرجع ويتهمني بالتقصير…….. وقعدت معاه وكلمته،،،،، قالي هذه اختي العودة اكثر وحدة تخاف على مصلحتي واكثر وحدة واقفة معي (يعني انامالي وجود)والمفروض حتى لو تزوجت ما اطنشها وبتم اعاملها وكأني عايش معاهم قبل الزواج
المشكلة كل الاشياء تصير وعمي وعمتي يدرون عنها والوضع عايبنهم،،،،،،ولا يشوفون فيه اي تقصير ف حقي،،،، بالعكس يشوفون هالشي من باب البر فيهم والاهتمام بأخته،،، ويتمدحون ف زوجي وتصرفاته، وانه احسن من فلان وفلان اللي اتزوجوا وقطعوا اهلهم وصارت كل دنيتهم مع حريمهم،،، وهالشي اللي مخلي زوجي يقتنع انه كل اللي قاعد يصير صح….
حتى ف نهاية هالاسبوع قلت له خلنا نطلع نتعشى قال لا انا مشغول،،، اختي تبيني اوديها مشوار مهم واهلي عندهم اشغال ابي اساعدهم فيها.
احس في داخلي كارهة اهله،،،،،، بس هو مايدري ولا حسست احد منهم بهالشي…. كاتمة ف قلبي
بس خايفة انفجر ف ويهم لاني تعبت
خبروني كيف اتعامل معاه..خبروني شو ممكن اسويله اكثر،،،، لا اهتمام ولا تطنيش نفع معاه
شو الاشياء اللي ممكن تحببه فالبيت؟؟؟؟ يمكن فيه شي انا ماانتبهت له ولا غايب عني…..
جربي مثلا لو سرتي السوق تاخذين شي حق اخته او عيالها وخللي زوجك ياخذه لها واذا قاللك انت وديه قليله باسلوووب طيب انا الصراحة احب اختك وعيااالها واستحليت لهم هاي الغرض بس توه احس اختك مب طايقتني بس ان شاء الله مع الايام بتصير تحبني وشذي حركاااات بدون استفزاااز وريه انج حنووونة عليهم وطيبة معاهم بغيبتهم ومن روحه يوم اخته تحكي عليج بالعاطل يصير يقارن بين تصرفك معاهم وتصرفهم معاج وبينصفك حبيبتي كلله بالسياااااسة خللج ذكيييية
.. الحين انا فعلا صرت اكرهها………. ولا اطيقها لانها قاعدة تفتري علي وزوجي مصدقنها وكله يقول اني ظالمة….وعمي وعمتي بعد
يشوفوني ظالمة،،،،،،،احاول اتقرب منهم بس كلهم مصدقين السالفة،،،لاني مرة قعدت مع عمي وعمتي وقلت لهم ادري انه هذا ولدكم وانتوا اول ناس ف حياته بس يرضيكم هو مايقعد ف بيته ولا اشوفه الا تالي الليل،،،،،،، ومن ذاك اليوم وهم شالين علي.