أم ريلي تموت ع الفلوس

السلام عليكم ورحمة الله وبركاته

بنات انا متضايقه واايد من هالموضوع وحبيت أفضفض وأقول لكن اللي فخاطري لانكن خواتي وعزيزات علي

المشكله هي أن عمتي مطلقه وماعندها عيال غير ريلي وأخته صغيره عمرها 16 سنه يعني ولد وبنت ومن عرست وانا ألاحظ أنها تخترع قصص مب طبيعيه على ريلي عشان يعطيها فلوس بنات أنا مب أنانيه أو مافيني خير بالعكس هذا واجب لانه ريلي هو الريال الوحيد في البيت وماعندها غيره بس مب لـ درجة أنها تنهبه نهاب الحين الريال صار عنده بيت ومسؤوليه وباجر أن شاء الله بيوونه عيال يعني المفروض تفكر فـ هالمواضيع شوي ..

أنا كلمت ريلي وقلت له سوي لامك شهريه أتفق معاها على مبلغ وهي تتصرف فيه الشهر كامل انا لو كنت خايسه بقول له لاتعطيها بس بالعكس وفعلا كلمها في الموضوع واستانست لانها ضمنت مبلغ بييها كل شهر بدون نقاش والمشكله انه يعطيها المبلغ كل شهر وبعدها تخترع عليه قصص والمصيبه اللي صدمتني وأكييد أنتو بعد بتنصدمون وياي إذا سمعتو هالسالفه قالت لي عمتي باتي معانا اليوم لانه ريلي كان مداوم في الليل قلت لها أوكيه المهم يوم نزل الصبح هي طبعا ماتباني أقوم علشان تستلمه وتألف عليه قصصها اللي ماتخلص بس ريلي اتصل فيني أول ماطلع من الدوام وقال لي أنا ياي اتلبسي عشان نسير بيتنا المهم قلت فخاطري مابقوم إلين مايي ريلي وبشوف شو بتقوله وف نص كلامها بدخل عليهم المهم دخل ريلي ويلس ف الصاله تعرفوووون شو سوووت أنا والله ماصدقت ، أمه يتها حساسيه تحت صدرها وتحت باطها رفعت كندورتها وقالت له شوف الحساسيه شو سوت فيني وانا داخله بدون ماتحس فيني لانه ريلي كان معلي صوت التلفزيون ريلي انصدم ونزل راسه وهني دخلت وطالعتني بنظرات مب طبيعيه وقال لها انزين امي سيري عند دكتورة جلديه قالت له ماعندي فلوس وعطاها وطلعنا واحنا سايرين قال لي انصدمت من حركة أمي والله قويه قال لي لو قالت لي تبا فلوس وانتهى الموضوع ويوم يفصل لي ريلي شي يديد تقول لي بكم فصلتي وتنقههههر وتسير تقول له أبا فلوس هي مابترتاح إلين ماتفقره مسكين ريلي والله معور لي قلبي مره قالت له تبا مبلغ والمبلغ اللي طلبته كبيير قالها امي والله ماعندي الحين بس يصير خير قالت له مايخصني شو معناته سير اسرق أو تسلف بذمتكم حاله هذي وأمس اتصلت له قالت له أختك تبا لابتوب ويوم تيينا البيت تقوم وتتمشى فيه وتقول بكم خذيتو هذي وكم وكم يعني ماتقول حلو هالشي أو من وين خذيتوه كل همها بكم وووووووووووو تعببببببببببببببببببببببت منها والله ع الاقل ف الشهر تطلب شي واحد مب 60 طلب في الشهر الواحد ويوم تشوف عندي شي تقول حق ريلي ييب شراته حق أختك أو تسألني عن المكان وتسير تاخذ لها نفس الشي ونفس اللون توأم ماشاء الله والله ماتحس بولدها أحنا مخططين لاشياء وايد بس هي ضربت لنا كل مخططاتنا فـ الزيرو ليييش قمت أخاف أفصل أو أشتري شي ونفس الوقت أقول حرام ريلي بيعطيها ولا بيعطيني أنا ، ونفس الوقت المسكين يحاول أنه مايخليني أحتاي لـ شي حسبي الله عليها

ووالله رغم كل اللي تسويه فينا فحياتي ماقلت لـ ريلي كم عطيتها أو ليش عطيتها فحياتي ماشكيت لحد هالموضوع غير لله والكن وبعدني أحترمها وأزورها وأعاملها عادي وفحياتي مايبت لها طاري هالموضوع

بنات سوري الموضوع مب مرتب من القهر اللي فيني حتى الحروف اللي في الكيبورد قمت ما أشوفها عدل

والسموحه طولت عليكن

لا اله الا الله .. مااعليه حبيبتي هاااذي أمه مهماا سوت والله يهديهااا

المهم انكم مب مقصرين ولا بتقصرون فيهاااا والله يجزيكم كل خير ^^

تعرفين الحريم الكباار حركاات وغيرة من حريم عياالهم فالاحسن انج تعيشين حيااتج

انتي وريلج بدون مااا تكدر هالحركاات حيااتكم وسعاادتكم وصدقيني رااح تتعودون عليهااا فديتج

وحطي نفسج مكاان ريلج ترااه امه ماايروم يمنع عنهاا شي وبالواالدين احسااناااا ^_^

الله ايسر اموركم ويسعدكم دنياا وأخرة ياارب

احمدي ربج ان الريال يطيع امه عيل تبين واحد جاحد وعاق
هذي جنته وناره انتي كم سنة قاعدة وياه سنة او سنتين وقارنيها بعمر ريلج واللي هو عدد السنين اللي تعبت امه عليه
هذي امه باجر بتيبين عيال وبتعرفين شو يعني ام
واللي ما فيه خير فاهله ترا ما فيه خير في الناس
لاتحترمينه من اجر طاعة امه

حبيبتي والله اني مقدره هالشي بس المفروض أنها تحس شوي

يالله مابقول غير الله يهديها

ومشكوره يالغاليه ع المرور الطيب

انا ام ريلي اذا اشتريت شي جديد اعصابها بتتعب
زوجي يعطيها فلوس وهيه وبنتها بيشترو عادي على كيفكهم
بس انا باشتري من وراهم
لأنه لو شافت اي شي عندي جديد بتعرف انه زوجي بيقدر يعطيني
بتطلع سالفه من تحت الارض عشان تاخد منه فلوسه
لو تعرفي قصص ام زوجي بتعرفي كيف النهب على اصوله
والله احيانا زوجي يروح يستلف عشان يعطيها
ولما يقولها ما عندي تقولو ما إلي دخل
هذا رد ام طبيعيه
وكل شويه بدها ذهب
بس اقولك الصراحه
أغلب الاوقات والله بس زوجي يعطيها ويكون مستلف الفلوس
ربنا بيبعث لزوجي شغل جديد
الله يهدي العمات ويسعدهم ويبعدهم

أختي حلوه وأموره أنا الحمد الله أحمد الله وأشكره وبالعكس إذا ريلي قال لامه لا مابعطيج بزعل عليه وبقول له غصبا عنك تعطيها فديتج بدون ماتقولين لي هالرمسه أنا أعرفها وهذا واجب صح بس انا اللي قلت أن ريلي مب ف استطاعته يوفر لها كل طلباتها واتمنى يالغاليه أنج تقرين الموضوع مره ثانيه وتفهمين قصدي

ومشكوره ع المرور ^ـــ^