أمي والتلفزيون

خواتي ..
عندي امي الله يحفظها .. احبها وايد .. وهي تحبني ..
لكن ماعندها وقت …
الوقت الفاضية فيه تشوف التلفزيون .. وخصوصا قناة ديسكفري ..
وتحب برامج الوثائقية .. وبرامج الاطباق الطائرة ..
واغلب الوقت تتابع البرامج الوثائقية .. وصرنا بالبيت حافظينها كلها ..
حافظين تاريخ الفراعنه والحرب العالمية الثانية .. وغيرها وغيرها كثير ..
واذا التلفزيون موب شغال وهذا مستحيل فتقراء جرائد ومجلات ..
موب لاقية وقت اكون معاها نسولف .. الا بالسيارة ..
وصارت لين شافت حلقة وعجبتها ترويها لي ..
انا احب امي … بس مادري .. اقولها ان كثرة البرامج تتعبني ..
وهل هي انانية مني .. احرمها من هوياتها ..
ووصلت حد اني اكلمها الاقي عيونها تتابع البرنامج وترد بكلمة ولا كلمتين ..
ولين خلص البرنامج كلمتني …
اصارحها ولا لا …مابي اجرحها ..

….!!!!!!!!!

قطوة متوحشة … اشوف ردودك الاقيها كلمة ولا كلمتين واحيانا علامات تعجب .. ليش ..
ودي تشاركينا … خوات ..

الله يحفظهأ لج يارب ..

و الله مآدري شو النصيحه المثلى يالغلا ..
يمكن اذا كلمتيها و خبرتيها.. بتنتبه و بتخصص وقت اكثر لكم
و يمكن اذا خبرتيها تتضايق ..

انتي ادرى يالغلا ..
انتي شو تحسين ميول الوالده .. من النوع اللي بتزعل و بتآخذ ع خاطرها و بتجبر عمرها تقعد معاكم عشان ما تزعلكم
و لا من النوع اللي بتنتبه ع عمرها و بتخصص لكم وقت و للبرامج وقت ثاني

.. ع حسب . مآقدر افيدج الصراحه ^_^

غالية الحمادي ..
ردك جميل … لكن الوالدة الله يحفظها بتزعل ..
اعرف انها بتاخذ على خاطرها وبتقول انا موب مقصرة بشي ..
وهي الله يحفظها موب مقصرة بالبيت ابد ..
لكنها ما تسمعني .. ولن سمعتني لازم يكون الموضوع داخل دائرة اهتمامتها ولا ما ترد عليه ..
ابيها صديقتي .. تسمعني تنصحني .. تشاركني حياتي واشاركها حياتها ..

كلي حركات …
نفس امي .. تتابع البرنامج من نصه .. وماعندها مشكلة ..
وخواتي يتابعون مسلسل تركي اسمه عاصي .. يعزمون صحباتهم ويشوفونه وطول الوقت يتكلمون بالمسلسل .. وماعندنا سالفة بالبيت الا مسلسل خواتي وبرامج امي .. واخوي والمبارات ..
وانا بالنص .. لا مع امي ولا مع خواتي ولا مع اخوي ..
مادري .. وين اروح ..

الغاليه فديتج كلميها مثلا وانتوا بالسياره قولى لها امى انا احتاج لج وابيج تسمعين لى يعنى الا ما يكون لها وقت ما تتطالع التلفزيون او مثلا كتبي لها رساله وكتبي الى في خاطرج كله