شحالكن خواتي ؟
بما انه الصيف قرب كل واحد يحب يشوف ويدور وين بيروح
وانااا من النوع الي لازم اسوي بحث على البلدان الي بزورها
الحين سويت لي خطة سير بإذن الله واتمنى من خبيرات الدول الاوربيه
ما يقصرون بمشورتهم علي
السفر بإذن الله بتاريخ 16/6 إلي مطار ميونخ
والعودة بعد من مطار ميونخ بتاريخ 29/6
خطة السير بإذن الله بتكون
الوصول إلي ميونخ ومن المطار ناخذ سيارة وعلى طول زلامسي
ونقعد فيها 5 ليالي
وبعد زلامسي يوم ميونخ للراحة
وباليوم الي بعد الي رست الالمانيه الي فيها يورب بارك وبنقعد فيها 3 ليالي
لزيارة المناطق المجاورة
وبعدها الرجوع الي ميونخ 5 ليالي
إلحين اني بالتفصيل ابى اعرف المناطق السياحية بالاماكن
وسمعت انه رست الالمانية قريبه من منطقة فرنسيه ما اذكر اسمها وزيورخ السويسرية
واتمنى زيارتهم
وللعودة لميونخ اتمنى تقولين الاماكن الي تستحق الزياره فيها
بس اعرف بحيرة شلرسي Schliersee عيبتني من موضوع الغر الحشيم وان شاء الله بنروحها
يعني 5 زلامسي
1 ميونخ
3 رست الالمانية
5 ميونخ
اتمنى تساعدوني في الاماكن السياحية والاحداثيات ان وجدت للقارمن والفنادق
ما عندي خبرة بالتفاصيل
وما شالله عقبالي اساافر
أنا بكون سابقتنج ان شاء الله
ومخطط سير رحلتنا تقريبا دائري
1ميونخ
2ولف قانق
4زيلا مسي
4 أنترلاكن
2 بادن بادن
2 ميونخ
هذا بيكون ترتيبنا
واقتراحي لج أختي ليش ما تسكنون في بادن بادن بدال رست بما انها قريبه عليها ووااااااايد أحلى
نحن بعد نبا يورب بارك بس بنسكن في بادن بادن
و اذا تبين الإحداثيات طرشيلي أيميلج أختي عال خاص وبطرشلج إحداثيات للنمسا وسويسرا
تخطيطج حلو بس ما افضل تروحين رست من ميونيخ حلو تسيرين مكان يديد
اول شي تنزلين في ميونيخ وعلى طول الى زيلامسي 5 ايام
زيوريخ في سويسرا 3 ليالي او بريتساو لكن انترلاكن بعيدة وايد 6 ساعات ونص من زيلامسي
بادن بادن او رست وانا افضل بادن بادن 4 ليالي
ميونيخ يومين وممكن تنقصين من بادن بادن ان حبيت انا قلت يومين تخلينهن للشوبينغ احسن لان طول رحلتج بتكون رحلات واماكن ريفيه وطبيعه حلوة
وبالنسبة للرست الالمانية كنت حاطه ببالي السكن في بادن بادن بس ما ذكرت هالشي بالتقرير
ومشكورين بس ابى اتاكد من رست الالمانية زيورخ كم تبعد عنها والمدينة الفرنسيه ايضا كم تبعد عنها