أكلات حق الاطفال

صباح الخير حبوبات..

ابا وصفات لأكلات حق بناتي.. مااعرف شو اسوي لهن حق الريوق و العشا؟؟ الغدا مثلا من أكل البيت
(مجبوس او برياني او صالونه) بس العشا والريوووق ابا اسوي لهم شي..

وبخصوووص ناجتس الدياي.. ابا طريقه عمله إذا ماعندكم اماره؟؟

هلا أختي.. بالنسبة للعشاء.. تقدرين تسوين المعكرونه البيضة بس بالقشطة والمشروم والدياي.. والطريقة سهلة وسريعة..

المقادير:

مشروم ،، صدور دياي ،، قشطة ،، بصل ،، ثوم ،، فلفل أسود وملح ،، معكرونة

الطريقة:

طبعا المعكرونة بتفورينها قبل وبجهزينها.. وحتى صدور الدياي فوري قبل وقطعيه شرايح..

وبالنسبة للخلطة: قلي البصل لين ما يستوي ذهبي.. وعقب حطي ثوم مطحون شويه عشان الدياي،، وقصصي المشروم وحطيه واقليه شويه،، وعقب الدياي ،، وحطي علبتين قشطة بس لا تطبخينه وايد لأن القشطة بسرعه تذوب ،، وإذا تبين حطي جبن كرافت خاشوقتين أو ثلاثه (حسب الطلب).. ولا تنسين تحطين الملح بس لا تكثرينه والفلفل الأسود..

وعقب اخلطي المعكرونه ويا الخلطة وخلي يصخ عالنار شويه وقدمي حق بناتج ،، صدقيني بيعيبهم.. بالهنا والعافيه..

على فكره… نفس الخلطة تقدرين تسوين منها سندويشات،، بس في خبز لبناني وتلفينه مثل الشاورما.. وتكون لذيذه وايد..

يسلموو منصوريه

تقدرين تسويلهم سباقيتي بولز… نودلز مع خضره… شوربة عيش وخضرة وممكن معكرونه ويا خضره… فطاير هوت دوغ… سباغيتي… بطاطا في الفرن محشاي ذره أو اي شي ثاني يحبونه…. دجاج مشواي أو دجاج مع بطاطا وبصل وطماط وزيت زيتون وملح في الفرن.. دجاج كنتاكي… كباب لحم مفروم… شيش طاووق في الفرن… صالونة دجاج أو لحم ناشفه ويا خبز…

وحق الريوق تقدرين تسوين خبر رقاق مفتت في حليب وتحطين فوقه عسل… اومليت.. توست فرنسي… كريب.. بان كيك

يسلمووو على ردج الطيب.. بس انا ابا مقادير للأكلات

أنا أطبخ بالنظر والقياس فما أتعامل بالمقادير…. لووول