بنات بغيت استشارة وان شااااء الله تساعدوني ولا تقصرون
أنا وريلي نتجادل على مساحة المطبخ هو يقول أحسن كبير وأنا بعض الحريم نصحني بالصغير ،، هو تقريبا مساحته 5،50 في طوله 8
فانتهوا شو تشورون علي
ويوم بتصير عندج عزيمة بتكون سهلة ومريحة مب الاغراض على بعض
تقدرين تتحركين فيه بحرية واترتبين اغراضج عدل واتفصلين له الكبتات بشكل مرتب وعملي
بتكون عندج مساحة لو حبيتي اتضيفين طاولة طعام للمطبخ
لو عندج عزيمة تقدرين اتخلين الاغراض كلها بالمطبخ بدال مايكون نصه داخل ونصه برع
اترتبين المواعين على راحتج ما يحتاي اتخزنين المواعين والكماليات مكان ثاني
المطبخ الكبير اريح واحسن
ويفتح النفس للطبخ
كبير أحسن حق العزايم وغير الخدم اللي بيتجمعون في المطبخ
وبعد ممكن تحطين طاولة طعام 4 او 5 كراسي حق قهوة الصبح ريوق او غدا
يعي بدال ما تستخدمين طاولة الطعام في غرفة الطعام
هاي فكرتي
انا لو بيدي جان وسعته وسع الميلس