شو رايكم كل وحدة تكتب تجربتها في البودرات و الأساسات المكياج
بنسبة لي أحلى شي جربته
جيرلاين ديفينورا
تغطيته حلوة و ناعمة و تبين الويه طبيعي و ريحتها اتجنن و تعيش معاج واااايد و هي مناسبة جدا للدوام و الطلعات العادية
وهذي البودرة
وهذا الأساس السائل
كانيبو
تغطية قوية جدا وتنفع للسهرات
وهذي البودرة
و هذا الأساس السائل
استيك من بينفت
هذا الاختراع خطيييييييير جدا يخنيج عن الكونسيلر و الأساس و بودرة وينفع للدوام و طلعات العادية و سعره ع ما أظن ب 180 درهم
كريم الموس من ميبلين
طبيعي جدا و ينفع للدوام وطلعات العادية
و عندي استفسار كانيبو منزلين بودرة لؤلؤية جديدة حد جربها؟؟ وجم سعرها؟
حتى جيرلاين سارلهم فترة منزلين بودرة جديدة الي علبتها فضية شكلها فخم من الخاطر…بس شو رايكم فيها؟ و بجم سعرها؟
وأتمنى من الجميع التفاعل عشان يكون لنا مرجع مفيد جدا في الاساس
و شكرا
انا عن نفسي جربت جيرلاين وماعجبتني ابدا..تغطيتها مب حلوة..وماحسبها توحد لون الويه..
مايبلين..100%..ومعروف عالميا على انه خذ المركز الاول..رخيص بس كواليتي..! وتغطيته مخملية ثابتة وماتزيت الويه
كانيبو…هاي البودرة اللي انا ماستغنى عنها..عن نفسي استعملها استعمال يومي..توحد لون الويه..وفيها حماية من الشمس طبيعية..واذا رايحة سهرة استعمل الكريم السائل وبعدين البودرة يطلع شي خيااالي..حتى مايحتاي تستعملين كونسيلر لانها تغطي السواد كله..
وفي من بينفيت كريم من دكتور فيل جوود..وايد حلو للخطوط اللي تطلع من كريم الاساس او البودرة يوم تبتسمين..
وما انصح اي حد يستعمل مااك..لانه يطلع حبووووب ويبين الويه جاف..موول عن نفسي ماناسبني ولا عيبني
express compact faundation
اعتقد السعر 230 او 280 نسيت
وشكرا اختي عالموضوع ..
بتحصلينها اذا كنتي من دبي في فرع السيتي سنتر والامارات مول والفيستفال سيتي