مبارك عليكم شهر رمضان
والله يعوده علينا بالخير و البركات
حبيت احط لكم اسماء بعض المطاعم الفاخرة و الرومنسية لتناول وجبة الفطور فيها
سواء كان مع الاهل او الصديقات او الزوجة و زوجها 
ومع العنوان و الاسعار بعد
و بحط بعد ارقام التلفون للي يحب يحجز عندهم بس ما اعرف اذا عادي احط ارقام والا لا
انا بحطهم و اذا ممنوع احط الارقام خبروني فديتكم علشان امسحهم
يالله نبدأ (( بسم الله ))
أتلانتـــس
مسوين خيمة رووووعه و هي الخيمة الوحيده في نخلة جميرا, و وجبة الفطور عندهم تكلف 145 درهم للشخص الواحد. و البوفيه مليء بالاطباق العربيه الاصيله التسليه و الشيشه ((للشباب اللي يشيشون)) و عندهم بعد خيم خاصه للافراد اللي عددهم 12 شخص او اكثر. و يقدم الفندق بعد فطور رائع في مطعمه العربي "ليفانتين" و الوجبه فيه بعد تكلف بعد 145 درهم.
المكان: اتلانتس النخله
تلفون: 4262626 – 04
جراند حياة
من الخيمة الواسعه الممتدة على مروج جراند حياة و اللي تقدم قائمة افطار تتضمن الاكلات و الحلويات العربيه التقليديه الشهية و اللي تتسع ل 400 شخص الى جراند افطار اللي مكانه في قاعة الاميرة و اللي يقدم بعد اكلات لذييييذهز اسعارهم 150 درهم للشخص في قاعة الاميرة, او 30 درهم كرسم دخول في ايام الاسبوع و 40 درهم في الويك اند
المكان: فندق جراند حياة , عود ميثاء
تلفون: 3171234 – 04
فندق جميرا بيتش
مع المشاهدات البانورامية لبرج العرب يقدم الفندق بعد تسلية حية و سوق عربي رائع للضيوف و الزوار و طبعااا افطاااار شهي بسعر 165 درهم للشخص الواحد.
المكان: فندق جميرا بيتش , جميرا , دبي
تلفون: 4068599 – 04
لو ميريديان – العقة
خيمتهم موجوده على الشاطئ و يقدمون فطور و سحور, و طبعا بتتناولون الوجبات و انتو تستمتعون بالمشاهد الساحرة المطلة على المحيط الهندي و جبال حجّار, و اسعارهم على حسب القائمة مع المازة و المشروب البارد ب 25 درهم
المكان: فندق و منتجع لو ميريديان العقة , الفجيرة
تلفون: 2449000- 09
ااااه تعبت 
بحط لكم اسماء الفنادق اللي تقدرون تفطرون فيها و الاسعار
اسمحولي بس والله ايدي عورتني
فندق العنوان (the address)
السعر : 165 درهم للشخص الواحد
المكان: العنوان, وسط مدينة برج دبي
تلفون: 4238888 – 04
كراون بلازا- دبي
السعر: 140 درهم للشخص الواحد
المكان: كراون بلازا , شارع الشيخ زايد
تلفون: 800276963
فيرمونت (مطعم كاسكيدس)
السعر: 145 درهم للشخص الواحد
المكان: فيمونت , شارع الشيخ زايد
تلفون: 3118316 – 04
منتجع الكوف روتانا (مطعم سينامون)
السعر: 35 درهم بالنسبة لخيمة الكوف .. 130 درهم لمطعم سينامون
المكان: منتجع الكوف روتانا , راس الخيمة
تلفون: 2820190 – 07
و ان شاء الله بكمل اللسته عقب
و اتمنى انكم تستفيدون من هالمعلومات و تقضون احلى الاوقات مع الغالين عليكم