السلام عليكم ورحمة الله وبركاته
أهليين بنات شخباركم اليوم
اليوم رجع لي الحماس عشان اشتغل بالديكوباج
ودام عندي مجموعة مناديل قلت بستخدمهم
وطلع معاي بعض الأشياء الحلوة
أولا شي يبت علبة حليب الأطفال
ودهنتها بصمغ ابيض مخفف بالماي وحطيت عليها مناديل بيضاء كأساس لان اللون الأبيض اللي عندي خلص
ولما جفت وتأكدت ان الخلفية ما تبين حطيت المناديل الملونه وقصيتها حسب العلبة
وهنا الشكل النهائي
وهنا بنفس الفكرة
يبت بروش عندي قديم ومتكسر شوي
وبما ان الصورة اللي بستخدمها لونها أحمر فما احتجت لاساس ابيض ، فقمت بلصق الصورة مباشرة على البروش
أتمنى اعمالي البسيطة لليوم تعجبكم وتستفيدوا منها
عجيب ..
صدق فرق ..
ماشاء الله عليج
حطولنا الطريقه إذا ممكن خل نجوف كيف
أسعدني مروركم
منّايه
الغالية انا شرحت الطريقة …
بس تحطين الصمغ الابيض على السطح اللي بتشتغلين عليه وبعدها تحطين الكلينيكس وبعدها تحطين كم طبقة ثانية من الصمغ عشان تيثبت عليه عدل …
وعشان ما يتأثر بالماي نحط طبقة ورنيش
وهذا الموقع بيفيدكم ان شاء الله هنـــــــا
وبتحصلون الادوات الموجودة بالموقع في مكتبة دبي للتوزيع …
وفي شرح بالموقع لطريقة الاستخدام
حلو الموقع وإن شاء الله نجرب