السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
:: :: :: :: :: :: :: :: ::
:: :: :: :: :: :: :: :: ::
هلا فيكن خواتي وحبيباتي … حبيت أنكم أتشاركوني الأشغال الفنية ألي أسويها بنفسي …
ولله الحمدلله … هذي موهبة فيني … أحمد رب العالمين عليها ^_^ …
خطوة بخطوة و بالصور راح تتعلمون كيف اتزينون قلم عادي …
بنبتدي بتزين القلم بأدوات معينة و متوفرة في ورشة شما المحيربي …
قلم الفراشة تقدرين تهدينه لصديقتج و لا أختج أو حتى تذكار لمدرستج و أن شاء الله يعجبكم …
و أتقبل جميع الأقتراحات و الآراء … و ما عندي أي مانع بتزويد أو تنقيص في شكل القلم …
من شاور ما خاب ^__________^
بسم الله أبتدينا …
الأدوات المطلوبة :
قلم حبر
صمغ
مقص
شريط ساتان (اختياري)
ورد (اختياري)
فراشة (اختياري)
نبتدي بوضع الصمغ على القلم بشكل طولي من أول القلم لين آخرة
عشان ما ينزل وانلف الشريط الساتان على القلم
نبتدي بلف الشريط الساتان على القلم بشكل ورب يعني بشكل مائل
و نلفه من الأول لين آخر القلم و انخليه مفتوح اخر شي عشان انثبت أغصان الورد الساتان
و هني منظر كيف ان خلينا الشريط الساتان مفتوح اخر شي عشان نقدر انثبت الورد عليه
و هني ثبتنا الورد بالقلم ولفينا الشريط على الورد عشان يثبت عدل و رصوا على الشريط
عشان ما يفلت الورد ( بتكون في اغصان هي ألي انلف عليها الشريط الساتان )
و هني ثبتنا الفراشة بالصمغ على الورد …
و هني قمت بوضع بعض اللمسات الأخيرة … حطيت لولو بودمعة على بعض البتلات على الورد
و لفيت الباقة بشريط ساتان مخملي رفيع عشان يكسر اللون الذهبي …
الشكل النهائي …
أتمنى أن الخطوات تعجبكم … و لا تحرموني من تعليقاتكم الطيبة … ^_^
:: :: :: :: :: :: :: :: ::
:: :: :: :: :: :: :: :: ::
:: :: :: :: :: :: :: :: ::
ملاحظة : يحلل لكم نقل الموضوع و نسخهــ ^_^ شمو ^_^
تحياتي الطيبة …
•·.·´¯`·.·• ( شما المحيربي ) •·.·´¯`·.· •
ممكن اختي اتخبرينا من وتتن نيب المواد ،، الفراشة والورد واايد حلووين ،، ياريت لو تعطينا فكره وين هالمواد متوفرة
وبالتوفيق
ماشالله عليج تـــــــــــــــف تـــــــــــف عيييين الحسووود فيها عووود … (سوري خيست تفال ؟؟ ههههههه خخخخخ )
مشكووورة على الفكرة الحلوووووووة
انتظر اعمالج اليايه يافنانتنا ^_^
ولج مني أحلى تحية
خويتج
هيوومه
ويصحح يمناج ويطرح لج البركه والعافيه في حالج
تسلمين على الأفكار الحلوة