شخباركم بنات متزوجات ان شاء الله بخير
بناااات كم وحده ريلها قالها إنه هو ما يحب إلا ياكل من يد أمه و يبا ياكل من ايدج إنتي و هو أبداً أبداً ما ياكل من ايد الخدامة
جذاااااااااااااااااااااااااااااااااااااااااااااااا ااااب واحد 
والله جذابين ييلسون يتفلسفون علينا عشان نحن نطبخ و نحوث و هو يريح نفسه من هم انه ايب بشكارة و عشان يفتك يقول بعد انا احب انتي تغسلين ثيابي أجززز
الله أكبر
احين بالذمة الريال اللي يقول ها الكلام يوم يسير يكوي ثيابه في الدوبي منو اللي يكويها مب ريال هندي الله يعلم شو نظافته
انزين يوم يقولج هو ما ياكل إلا من ايدج يوم يسافر و لا يسير مطعم لا يكون إنتي اللي تسير و تطبخين له مب الطباخ و لا الهندي و لا غيره اللي يشتغلون في المطعم أو الكوفي هم اللي يسوونه
و تتوالى كذبات الرياااايل
وحده حرمة نعرفها عاشت و يا ريلها ثلاثين سنة و هي تطبخ له و تسوي و يقولها أجز أكل البشكارة و هي تكرف تكرف عشان هو يعصب
شو صار بعدين اتزوج عليها وحده في نص عمره و هذيج البنت قالت لي ما اعرف أطبخ قالها حاضر عادي ندبرها و خدامة زوجته الثانية هي اللي تطبخ لهم يوم يكونون عندها
بنااااااات لا تستووون هبلان أنا ما قلت لا تطبخين بس لا تذبحين نفسج على كل شيء يقولج ريلج و تصدقين عشان خاطر عيون حبيبي بسوي الويل و بتعب عمري
ما اااااا يسووووووووووووووووووووووى
هههههههههه
تعليقاتكم
لو تسوي جاي مااشرب
انا أقصد الريال الحين يوم يكون معزوم بيت ربعه منو اللي يكون طابخ غير البشكااارة
يعني ما في داعي الريال يتفلسف بكلام و يسوي غيره
هيه صح بس بعد يا اختي الوحده اصلن بروحها المفروض ما تخلي الخدامة تطبخ مب لازم الزوج يقول .بالله كم حالات صارت الخدامة تحط نجاسه بالاكل والخدامة ما تتقارن بالمطعم الهندي الي بالمطعم يبيع للكل وما عنده عداوةه شخصيه معك ام الخدامة تعرف من ياكل وتقدر تضر لو تبا خصوصا ان في ناس ما عندهم تعامل وياهن وفي منهن عندهن اعتقاد ان على شان يحبوها لازم تخلط نجاستها في اكلهموالهندي الي يطبخ ما يروح يغسل الحمامات ويخم البيت ويفر الزباله وعقب يروح يطبخ للناس اهو عنده وظيفة وحده واهي انه يشتغل بالمطعم
يعني ما في مقارنه
والخدامة تقدر تاخذ من الملابس الوصخه لو حبه تسحر او اتضر اما راعي الدوبي شو يهمه يسحرك ولا يخليك
يعني الي بتهتم ببيتها تهتم للانها تبا تهتم مب لان والله الزوج قال
هذه حياتها ومن حقها تحاول تحافظ عليها من التخريب
والحين الريايل اذا يبون يعرسون ما يبون سبب مول عادي اطق براسه ويروح يعرس حتى لو زوجته مكلة جمال ورائعه والكل حاسدة عليها
بس انا احب اطبخ بروحي اتسلى ..
بس الخدامه يسعدني تواجدها للتنظيف والتلميع و غسل السجاد
ومسح الغبار وغسل الملابس و الكوي ، بس الاكل من ايديا
و غسل الاواني في الواش ماشين ، احسن من ايدين الخدامه
وفكل الاحوال الرجاله كذابين ههههههه
طبعاً في غيرها حوادث وايدة صارت ونشورها في الجرايد والمجلات .
أنا ما من مشجعي الأكل من المطاعم ولكن لو حصل فأكيد اللي طبخ ما بينه وبين المشتري أي علاقة علشان يضره , وبعدين المطاعم يخافوا شوي لأنهم يخافوا من الرقابة والتفتيش .
بعدين أختي فيه ريايل طلقوا حريمهم اللي ما يعرفن يطبخن وتزوجوا حريم يطبخن لهم , مب لأنهن طباخات ولكن لأنه الزوج يحس بالفرح والفخر يوم ياكل لقمة من إيد زوجته وتراه الطبخ تؤجر عليه الزوجة لأنها تطعم زوجها وأولادها .