أسعار قاعات الأفراح في الإمارات ومواصفاتها

السلام عليكن

كثر تساؤلات البنات عن القاعات ومواصفاتها من حيث مساحة القاعة وخدماتها والمنيو والأسعار…الخ

فأتمنى من كل عروسة أو اخت العروسة أو المعرس أو أو
انهن يكتبن عن القاعة اللي عرسن فيها وقاعات الريايل بعد.. ومواصفاتها من حيث الخدمات والأسعار
وإن شاء الله هالموضوع يخدم الكل.

والقاعات هي:

قاعات الشارجة:
قاعة البوم..قاعتين
جمعية الاتحاد النسائية
هوليدي ان

قاعات رأس الخيمة:
الكورنيش
….

قاعات أم القيوين:
قاعة ألف ليلة وليلة

والباقي انتوا تعرفونه

معلومه مني ألكن اللي يرفع من سعر القاعه هو المنيو يعني كل ما اخترتي أقل شي بيطلع لج سعر القاعه أرخص و كل ما اخترتي الاغلى بيطلع لج سعر القاعه غالي.. بس أقل شي بيكون في حدود ال 55 درهم و أكثر شي ممكن يوصل لل 300 درهم و يمكن أكثر بعد طبعا هذا بالنسبة لسعر الشخص الواحد في المنيو..

سنة خير
الله يجزيج الخير ما قصرتي على هالمعلومة ونحن نستفيد منكن

وفي انتظار الباقيات

عرسي كان فالمباركية .. المعازيم 650 للحريم والرياييل فالريان 300 نفر

الاكل في قوائم متعددة .. في ام 30 للنفر وشي 40 وشي 60 100

حلوة المباركية تكفي لاكثر من 600 شخص

هلا حبوباتي ..

انا عرس خالتي أقرب عرس صار ..
كان في صالة راشد في قرية البوم ..

العرس في صالة الحريم كلف 70000 ..
المينيو كان 80 درهم للشخص الواحد ..
وما اعرف بصراحة كم كان عدد الحضور بس وايد ..

والعرس الحمدلله كان مرتب وكل شي فيه مشى على حسب الأصول حتى الأكل ونكهاته ^_^

ربي يسعدكن ويتمم لكل عروس على خير يارب ..

موضوع وايد حلو و كل عروس بتستفيد منه
يا ريت كل وحدة تحط الاسعار والسنة اللي عرست فيها لا ن الاسعار تختلف من سنة ل سنة

قاعات أم المؤمنين معروفة بالنظافة والترتيب والحلاة

بس قاعة المباركية على كم اختي؟
والريان؟

الله يهنيج ويرزقج الذرية الصالحة عاجلا غير آجل واشكرج على ردج