السلام عليكم ورحمة الله تعالى وبركاته
كيف الحال بنات عساكم بخير؟؟
أتمنى ذلك
بصراحه بنات اريد اكلمكم او بالاحرى نتناقش بخصوص المكياج والتسريحات احس انها قامت تزيد اسعارها يعني حرام ادفع 500 درهم وآخر السهره اغسل ويهي جني عقيتها
بقولكم شي بنات المسأله مب مسألة زط ولا شي بصراحه بس الواحد بعد مب لهالدرجه يتبطر يعني بصراحه بصراحه شي صدق غريب بخصوص يعني اوكي بس لو البنات دفعه ليش ما تقلل الاسعار والتسريحات بعد وايد غاليه يعني احين في اشياء تروحين المحل تشوفين الشخص تعب في الشغله وتكاسرينه بس المكياج اهم شي نطلع حلوات حتى لو بالالاف بصراحه انا عني ما احب هالشي ما احب اسوي طاف حق بيزات تعبت فيهن يعني انا اشتغل واحس بقيمة الفلوس وبشو أصرفها
قررت اتعلم كيف اسوي مكياج حق عمري والحمد لله مرات يوم اروح الصالون أسوي مكياج الكل يقول مكياجي احلى مب مدح بس من حظي دوم فالصالون يسوولي آخر وحده وبسرعه بسرعه اقبل بأي شي عشان ما اتأخر على العرس بس للمناسبات بصراحه اسوي مكياجي بنفسي يالله كل وحده تتعلم احسلها وتعرف ان المكياج اللي تحطه هي بويهها اصلي 100% وعارفه شو يناسبها
بس بصراحه بعد ارجع اقول ابي راي كل وحده فيكم في اسعار المكياج
ولو هي يايه البيت تاخذ دبل مع ان اريح لها اقصد الحريم اللي يمكيجن فببيوتهن بصراحه الاسعار نار بس الصالونا ت ظو والحريم اللي يمكيجن وايد غاليه اسعارهن ولا ننسى الحنايات بعد استغلال من كم سنه كان الحنا ءارخص بكثير اذكر قبل احين كل مره زادو عشر او خمس مب كل الصالونات بس الاغلب جي ليش الله يعلم ؟؟
صح تعب وجي بس بعد الواحد ياخذ قد تعبه مب زياده يالله يابنات بليز لا تفهموني غلط وتنجلبون علي ترى بس بعد 500 تسوي وايد اشياء لو فكرنا فيها بس جان زين 500 لا المكياج احين اغلى
وحده اتسوي شعر كانت تبا اتقص علي…اونه في الصالون بسويلج التسريحة ب200 بس في البيت ب 600 درهم؟؟؟
وتطلب بلاوي علي اشياء بسيطه بعد
يعني بديكر ومنيكر 150 ولا 200
على شو مااعرف
يدين و ريول سلطانه
اسعار خياليه بصراحه
لان صالونااات الحنااااااء محددين السعر يعني
حناء اليد لين تحت الساعه بشوي 50 1
والريل لين فوق اليوزه بشوي 150
هذا سعر العيد
سعر مناسب لازم بعد تحدد اسعاار الصالونااات الباقيه
انا حجزت لاختي عروووس ماكيره قالت بس المكيااج بدون تسريحه ب 5000 ……! ليش عاااد !
قلتلها مع التسريحه قالت 8000 ….!!!
يعني مكيااج عروووس ب 8000 كم ساعه وتغسله …! ولا الماكيره من جنسيه عربيه …!!!!!!!!!!!!!!!!
مادري شو نقووول الاول المكياااج عروووس ب1500 الحين وااايد بنقول تسريحه ومكياج ب 5000
بس موب 8000 او 10000 …!! ليش ذهب بتحط..!
الله المستعان
قبل كان المكياج والتسريحه العادي 250 ..
والحين 450 ليش ما ادري !!!!!!
الحين تعلمت اني احطي مكياج والله والكل يمدح مكياجي ويقولون احلى من الصالونات
والبدكير والمنكير اشتريت جهاز وكل اسبوعين اسوي لي ويطلع احلى من الصالون ..