كيف الحال أخواتي
تدرون الحين الصيف وموسم الاعراس ما شاء الله وعلشان هذا الشيء انا اريد مساعدتكم يا الحلوات , أنا عندي اخوي مالش ونريد نعرف كيف اسعار الفنادق عسب العرس
فقلت اطرح هذا الموضوع … يعني كل وحده معرسه قريب او حجزة في فندق فشو رايكن تكتبون اسم الفندق وسعر الحجز هذا راح يساعد الكثير عسب ما ندور كل فندق وقاعه اسعارها ويفضل في بوظبي
فمنو راح تبدأ أول وحده ؟؟؟؟
شوفي حبيتي اول شي لازم اتعرفين كم عدد المعازيم عشان عشان تحسبين سعر الشخص
انا نفسج كنت كاتبه موضوع بالمنتدى عن تكاليف العرس شي بنات ماقصرن بس بعد انا سرت محلات تجهيز الاعراس وشفت كيف الاسعار
ادخل ف الموضوع عندج فندق رويال مريديان يبدا المينيو ب 185
نادي الضباط ب 115
فورمونت البحر بس عندهم صاله وحدة ب 155 اظني
فندق شاطئ الراحة ب 165
صالة المشرف ب 75
طبعا ها يبدا المينيو بهالاسعار عقب حسب المينيو اللي تختاريه
ان شاءالله اكون افدج بشي بسيط
و اي استفسارات ثانية انا بالخدمة
الله يوفق اخوج ويتمم عليه بخير
وبطاعتك عن معصيتك ، وبفضلك عمن سواك ،
اللهّم لا تكلنا إلى أنفسنا طرفة عين ،
اللهّـــم آميـــن .
المينيو مالهم يبدا من 110
وعندهم بــ 150
و بــ 175
لكل شخص
واذا مثلا حجزتي حق 500 شخص يعطونج 50 فري
و اذا 600 شخص 60 فري
وجي . .
طبعا يشمل هالسعر القاعه والاكل فقط
انا ان شاء الله بحجز حق 600 شخص وبحصل 60 فري والسعر كامل 105,000 درهم
وطبعا الصبابات والكوشة و الحلويات والفرقة او الدي جي و باقي الكماليات كلها عليج
اتمنى اكون فدتج بشي
و ارض المعارض بعد اعتقد
المهم ..
انا اعرف ان الفيرمونت يبدا من 190
و الانتر كونتينانتال من 180
بس بالعاده اول مينيو مايكون حلو .. الاغلى يكونون احسن .. لكن احسن انج تحطين لسه بالفنادق اللي تبينها و تروحين تستفسرين .. يعني عشان يعطونج لسته المنيو و الاسعار