السلام عليكم ورحمة الله وبركاته
مرحبا خواتي…
عندي سؤال للمتزوجات
هل في يوم طرشتي ورد لريلج فالدوام؟ أو كيكه أو هديه؟ وكتبتي عبارات حب عليها؟
وشوه كانت ردت فعله؟
لأنه ماشاءالله أستغرب يوم أقرا أنه وايد يكون عادي عندهم ويستانسون وايد بهالهديه وهالحركه!!
أنا أحس أي واحد من أهلي لو سوتله جيه حرمته فالدوام بيحرج واااايد عليها وبيحس بإحراج كبير جدام ربعه!
وخاصه اذا كان يشتغل فالداخليه.. يعني مكان وشغل جدي شوي
خبروني شوه مواقفكم.. وهل وحده طرشت وكرهت الساعه اللي طرشت فيها
بصراحه في خاطري اسوي الحركه بس مب عارفه كيف ؟ واخاف من ردة فعله
الي عندها افكار اتخبرنا بعد
ولا انا ما اتوقع انه ريلي بحب الحركه والي مخلني ما اسويها انه بيني وبين دوام ريلي اكثر من 3 ساعات 😁 ..
نحن رياييل العيله خصوصيات زوجاتهم يفضلونها فالبيت من هدايا ومفاجآت حفلات ..
نحن رياييل العيله خصوصيات زوجاتهم يفضلونها فالبيت من هدايا ومفاجآت حفلات ..
انا بصرااااحة اشوف الهدايا لها خصوصية بين الحرمة وريلها … مش لازم الكل يعرف ….
فأشوف انه الهدية يوم تنحط في مكان مثل سيارته او مكتبه الي في البيت افضل من الدواااااام …… منعا لاحراج طبعاااا ؟
هذا رايي ….. ؟
فأشوف انه الهدية يوم تنحط في مكان مثل سيارته او مكتبه الي في البيت افضل من الدواااااام …… منعا لاحراج طبعاااا ؟
هذا رايي ….. ؟
لا ابدا و لا افكر اسويها !!
مش حلوة و ما احس بيتقبلها ابدا
و اي شي بيني و بين ريلي يتم بيني وبين ريلي ماله داعي ربعه وبنات الدوام يعرفن !!
و احس اللي يقبل هالشي ماعرف ما ابا اقول !!
ملقووووووووووووووووووووووووووووفه نمبر 1
الله يحفظك لكم ازواجكم يارب
بالنسبة لي انا دوام ريلي صعب اني اودي له اي شي.. ولو كان يستوي.. مستحيل افكر اسويها.. لاني اعرفه بيعصب وبتقلب المفاجأة على راسي.. ريلي ما يحب يبين هالاشيا للي برع حتى جدام اهله ما يحب.. بس يوم نكون بروحنا ما يقصر يستانس وايد واحب وناسته…
ما انصح حد يسويها لانه البيت له خصوصيته