هذا أول موضوع لي بالقسم و بالمنتدى ككل و حبيت من الاعضاء اللي عندها خبرة تساعدنيه و انا متاكدة انه الغر الحشيم رح يكون لها الدور الأكبر بالمساعة بدليل المواضيع اللي يحطنها البنات و تساعدهن ماشالله عليها
حبيبتي انا بسافر انشالله 1 – يوليو و ناوية أرجع 15 او 16 – يوليو
سفرتي بتتبع المسار التالي: ألنمسا (فيينا ثم سالزبورغ ثم زيلامسي) و من ألنمسا بنتوجه لألمانيا (ميونخ ثم ريست) و من ألمانيا إلى فرنسا (باريس) و بعدين بنرجع فيينا و راجعين البلاد انشالله.
طبعا رح نحجز بطيران الامارات لانه طيران الاتحاد ما عندهم رحلة لفيينا، أنا شيكت و شفت انه التذاكر الحين تقريبا حوالي 7000 لشخصين انا و زوجي و بنتي ما يتعدي عمري سنة.
تخطيطي للسفرة كالتالي:
فيينا 3 أيام بفندق vienna marriott hotel بسعر 501 يورو ل3 أيام
سالزبورغ يومين بفندق hotel Wolf Dietrich بسعر 390 يورو ليومين
زيلامسي يومين بفندق hotel Lebzelter بسعر 196 ليومين
ميونخ يومين بفندقMercure Munchen City Center بسعر 288 يورو ليومين
ريست يوم بفندق Hotel am park بسعر 147 يورو ليوم واحد
باريس 3 ايام بفندق fraser Suite Harmonie Paris La Defense بسعر 510 يورو ل3 أيام
فيينا يوم بفندق Hotel Mercure Wien City بسعر 99 يورو ليوم واحد
سؤالي الحين هل تخطيط مسار الرحلة اوكي يعني مريح ؟
عدد الايام اللي بنقظيها بكل مدينة مناسب ؟
الفنادق شو رايج فيهن و بأسعارهن و إذا عندج اقتراح أحسن ممكن تفيديني فيه؟
كم المسافة بين كل مدينة و الثانية بالقطار و بالسيارة و شو الأحسن؟
إذا نريد نأجر سيارة كيف نأجرها؟ انا سمعت عن شركة يوروب كار عندها فرع هنيه فبوظبي صح و الا لاء؟ و إذا أجرنا من عندهم يكون مع السيارة سايق يعني كمرشد سياحي ؟و كم بيطلع تقريبا ايجار السيارة مع السايق؟
ممكن تخططين لي لكل مدينة شو الأماكن اللي حلو نروح لها و جدول كل يوم؟
أخر شي : مشكلة واجهتني و ما حصلت لها حل هي برجعتنا من باريس لفيينا أنا سمعت انه المسافة تقريبا 11 ساعة بالسيارة صح؟ شو تقترحين علي لانه اتوقع رح يكون الدرب متعب و بالذات عندي بنت صغيرة
سوري عالإطالة
أتريا منكن الرد خواتيه
وووو
يوم بتكونين في سانسبورغ
لا تنسيين مصنع الملح ,,يجنن
والبنات باذن الله ما بيقصرن وياج
واتروحون واتردون بالسلامه
بس مادري احس وااايد بتتنقلين من فندق لفندق >> انا بالنسبه لي متعبه
بفيدج بللي اقدر عليه ..
انا سرت شهر عسل فييينا – سالزبورغ – زيلامسي
بخصوص الفنادق والله ماعندي فكره لانه ريلي حجز وماعرف الاسامي الا اسم فندق واحد ف فييينا NH HOTELS بصراحه كان حلوو صاله وحجرة وشي تلفزيونين وبلكونه وميني بار صغير حق الاكل والحمام حلو بعد .. وسعره مقعول ما اظن اكثر عن 150 يورو
بس شوفي نحن ما استناسنا ف فييينا لانه حرررررررر .. صدق حرررر تمينا مال يومين يمكن وعقب سرنا سالزبورغ بالقطار .. تقريبا 3 ساعات .. والقطار بصراحه تكييفه مب شي اشك اذا مشغلين المكيفات من الاساس -__ –
يوم وصلنا سالزبورغ كان ارحم الجو هناك .. واهدا عن فييينا .. بس بعد ما تمينا وايد يوم بس لانه نحن اصلا وجهتنا كانت لزلامسي
ريلي كان ماجر سياره من البلاد .. يوريب كار ع قولتج .. بس يوم سرنا بناخذ السياره قالوا ما اكدتوا عالطلب ومادري شو مع انه نحن متاكدين من كل شي .. المهم توهقنا شويه قال اذا تبون بنعطيكم سياره بس جير عادي .. قلنا لا .. والجير الاتوماتيك مخلص عندهم ..
سالنا اذا شي افرع ثانيه ؟ قالوا شي فرع ف مكان قريب عن سالزبورغ بس هالمنطقه تعتبر من حدود المانيا .. بس كلها مال 10 دقايق وصلنا هناك طبعا كنا قبلها رادين الفندق ع اساس نحجز من النت لانه ارخص بوايد ..
عقب توكلنا على الله وسرنا زيلامسي
اللي صدق بتحبينها واييييييييييييد .. فيها وايد عررررب .. وبترتاحين .. من ناحية الجو وكل شي ..
الفنادق مافيها مكيفات لان الجو من الله حلووو .. وسرنا كابرون قمة الجبل وين الثلج .. وسرنا الزحليقه الصيفيه .. وWILDPARK
وبعد سرنا شلالات كريمل .. همممم هاللي اذكره ..
هاللي موجود ف مخي حاليا .. ان شاء الله قدرت افديج ب شي ..
رحلة موفقة
بس نصيحة خلي رحلتج لاقل اماكن
مثلا لو سرتي سالزبورغ مالها داعي زيلامسي وزيلامسي بالفعل ما تسوى….وهذا راي جماعي..واخص السنة الماضية…
ممكن تسيرين منطقة اسمها بادجاستن احلى وارقى ومنتجع مريح للاعصاب الصراحة..
يعني دولة النمسا خليها (فيينا 3 أيام – سالزبورغ – بادجاستن) وعلى فكرة المناطق جريبة من بعض ترومين تسير بالسيارة نص ساعة فرق..بين سالزبورغ و زيلامسي وبادجاستين والخ..
عقب سيري المانيا فرق ساعتين وشوي لميونخ 4 ايام وانتي مختارة ريست مع ان يورب بارك حلوة بعد ليومين …..لو عندج كتكوتة…
او الغي ريست وخلي بس ميونخ وعقب سيري باريس….ونصيحة لا تردين فيينا متعب الدرب…ارجعي من فرنسا …..
وهذا وانتي حرة و يعتمد على حبج للمواقع
بالنسبة للفنادق
ماريوت فيينا توب وتمام
لو بتسيرين زيلامسي حاولي تسكنين جراند لا غير
والمانيا اختيارج زين ….
والله ويفقج