[ أحس أني مخنوووقه واذا ضاقت فنجوى دعائي حسبي الله ونعم الوكيل ]

الغاليه سبب الهموم والاحزان هي المعاصي .. ولكن ابشري اخيه ان كنت التزمت واستقمتي .. وبادري بالتووبه

لان الرسول صلى الله عليه وسلم قال : ماأصاب من مسلم وصب ولا نصب … الخ يعني اي الم او هم او حزن

يكفر الله به خطيائتك .. يعني الي اباه منج الحينه اتصلين ركعتين توووبه .. وتقولين يارب انا مابعصيك ..

وبالنسبه للعرس شو كان في اغاني .. لان لو كان معناته معصيه اقترفت ذنب ..

المهم راح ادلج على طريق السعاده بس اتبعي خطواتي ..

خلي الدنيا ولاتفكرين في طلعاتها ولا مشاوريها لان كلنا بنتركها ..

شووفي بادري بالتوبه وعدم الرجووع يعني الاقلاع تماما عن المعصيه

ولاتغتابين اي انسان ولا سويتي شي بالغلط .. استغفري .. ومره ثانيه ابغيج تمسكين اعصابج

تذكري ان الجنه تحت اقدام الامهات وتذكري وخافي ولا تقل لهما اف ..

المهم الحينه بدليج على مصدر السعاده … في ثلث الليل الاخير .. يعني عندج من الساعه2 الين الساعه قبل الفير

اتصلين قيام الليل يصير بسور عاديه او قرآة القرآن .. ولاتنسين كثرة قرآة القرآن سبب في السعاده .. وراحة القلب

المهم هم 11 ركعه يعني 4 صلوات .. ركعتين واتسلمين وركعتين واتسلمين الخ .. مع الشفع والوتر

وشووفي … يوم تخلصين ايلسي على سيادتج وادعي وصيحي لان دعاء الثلث الاخير مسموع ومستجاب ..

ابداي بالحمدثم الثناء ثم الصلاه الابراهيميه على الرسول صلى الله عليه وسلم وبعد استغفري

اقري بالاعتراف بالذنب .. وبعدين اطلبي الي تبغين من الله وانتي اتصيحين وانكسري مدى انكسارج تكون الاجابه ..

وعقب قوولي لااله الا انت سبحانك اني كنت من الظالمين وبعدين قوولي لا حول ولاقوة الابالله ..

والحمد والصلاه على الرسول صلى الله عليه وسلم ..

وعقب اقعدي استغفري لين اذان الفير حاولي توصلين للالاف ..

وشووفي كثرة الاستغفار يزيح الهم