أحب أسألك ما تجيكم لوثة أو نوبة من الحزن ؟؟؟

السلام عليكم ورحمة الله وبركاته .
مراحب أخواتي…
بنات أحب أسألك ما تجيكم لوثة أو نوبة من الحزن …مثلا عيالي دايم يقولون لي يمة ليش كأنك بتصيحين وتبجين يعني ملامح ويهي…
أي شيىء يضا يقني يبان علي الحزن مو الغضب…لو أعصب لو أحد يزعلني لو أسمع خبر لو أقول قصة أو محاضرة سمعتها ..الحزن يبااااان
عيالي يقولون شوي ولا تبجين …
قمة الإحراج
هل منكم أحد مثلي ؟
وليش تعابير الوجه تحزن ؟
عطوووووني جواب…
وخلونا نتناقش..
أنتظركم غالياااتي…

تجيني نفس الحاله بس مادري احس خلقتي مكشرهً صارت من النكد

خخخخخخ

الله لا يب الحزن

الانساان مجموعه مشااعر فمن الطبيعي هذااا الشعور حبوبة

بس لازم نتمسك بالدين الامل التفاءل فبهااا تحلو الحيااة

عادي تعابير الوجه الظاهر انج حساسه

لا لا خلقتي مو مكشرة حزينة… شوي ولا الدموع تبطبط…حلوه تبطبط الكلمة فيها بطتين….الحزن طلع بط في عيوني وأنا مدري….؟؟؟

خلونا نرجع للجد ….
يالله فهموني ليش بعض الناس جذي ؟