أخواتي نبي من كل وحدة تتعاون معانا في كتابة يومياتها من الصبح لليل من قيامها بأعمال صالحة وشلون تقضي وقتها من قراية قرآن وزيارات أهل وغيره يمكن تكون هناك أعمال تناساها الإنسان تشجعينا عليها وشو الأشياء التي تحرص عليها مهما كان مثل الأذكار ولا قراية سورة الكهف يوم الجمعة من هالقبيل وإن شاء الله الكل يستفيد
انا يبدأ يومي بقيام صلاة الفجر وبعدها اقعد اقرا اذكار الصباااح
أحيانا اذا احصل وقت الظحى اقعد اقرا القرآن لو جزء بسيط
وبعدها اصلي العصر وكل يوم بعد صلاة العصر اقرا سورة البقرة أجزأها على يومين وبعدها اقرا سورة يس واحيانا ً سورة الجن وبعدها اقرا اذكار المساء احصن نفسي واحصن بنتي معاي (ضروووري يا بنات اتحصنون عيالكم)
وربي يوفقج الغالية ويسعدج,,
وبعدين أذكر أذكار الصباح
وبعدين أقرأ سورة يس_والواقعة_وبعدها الملك
وأقرأ من المصحف تقريبا ثلاث أو أربع صفحات
أحاول أكثر من الذكر والإستغفار في أعمالي اليومية
والعصر
أذكر أذكار المساء مع عيالي
وقبل النوم
أقرأ سورة يس والواقعة والمللك
وأروح أنام بعد ما أذكر أذكار النوم
والله يعنا على ذكره وشكره وحسن عبادته
أنا تغيرت من ملجت 180 درجة ….وقلبي يعورني على هالتغير ….
بس بكتب أشياء كنت أسويها قبل الملجة…وربي يهديني إلى الصراط المستقيم…
كنت أحدد يوم واحد في الإسبوع لقيام الليل
أول ما أنش الفجر أصلي .. وأقول أذكار الصباح والمساء ….عقب الرقى الشرعية
عقب وأنا رايحة الدوام أحط سورة البقرة لين ما أوصل الدوام أنا حافظتنها الحمدالله بس أحب أراجع في الدرب
في الدوام أستغفر وأسبح وأكبر وأحمد … طول ما أنا أشتغل…
عقب أرجع البيت العصر أحدد يومين أسير مركز تحفيظ القران .. ويوم البنات يسمعون أنا أدعي اللي في خاطري.. بعد المغرب أصلي ورقى شرعية وأذكار المساء… ومراجعة القران وزيارة الأقارب….
وكنت والله العظيم أسعد بنت في الكون … بس الحين العكس… مضااااااايقة أشد ما يكون .. مب لأني ملجت
لأن يوم ربي فرج علي همي ورزقني بالزوج الصالح … تكبرت عليه … وانطبقت علي الآية ما أستححظرها الحين …
بس معناها يوم كانت مهمومة ما أترك لحظة من حياتي إلا وأترجى ربي ويوم فرجها علي ولا كأني دعيت في يوم
بنات دعواتكم لي بالهداية والثبات على الصراط المستقيييييييييييييييييييييم
بالنسبة لي يبدأيومي بصلاة الفجر
أقرا قرآن بس مو مواضبة
أسوي زياراتي لأرحامي الضحى
لما ييون عيالي أحب أكون موجودة ومبخرة البيت أكثر الأحيان
أبوي يكون فترة العصر موجود فالبيت أروح أزوره بس مب كل يوم أو أتصل له أدري إني مقصرة وأحرص أودي عيالي معاي
أذاكر لعيالي العصر
أول كنت أتابع القنوات إللي فيها برامج دينية والله كانت تحيي القلب
أجتمع بين فترة وأخرى بصديقاتي
أحرص على قراءة الكهف
أحرص كل كل كل كل الحرص على أذكار الصباح والمساء
أحرص كل الحرص على صلاة الضحى ومايعتبر يوم من أيامي إذا ماصليت الضحى أو ما قلت الأذكار
أتوضأ قبل النوم
لما وقت النوم أشغل المسجل إللي يعيد القراية أوتوماتيك لازم عشان يشتغل طول الليل أحطي شريط الرقية الشرعية أو شريط الفاتحة مع البقرة
أتصل بصديقاتي بس مقلة فهالشي
أتصل بأرحامي وأتواصل معاهم بالمسجات أدري فيه تقصير
كنت لما أتضايج من حد ممكن أغتاب الحين صرت أخاف الله يثبتنيي
كنت أكشخ فعروس أهلي المقربين من ناحية أهل ريلي الحين ودرت هالسوالف كشخة بس بشيلتي وعبايتي ومكاني فالقاعة
أحرص كل كل كل الحرص ع زيارة أهلي إللي بينا وبينهم خلاف ظاهر ولا مستتر
أأدي السنن الرواتب
أصوم السنن بس مو كله
أحب أتصدق الصبح أنا وطالعة
لازم أرد ع المسجات إللي تييني ولازم أرد ع المبايل و لو مالحقت عليه أتصل وأعبر كل الناس ماأطنش حد
أصلي الصلاة فوقتتتتتتتتتتتتتتتتتتتتتتتتتتها لازم
أزور مع خواتي وحريم خواني جيران أمي بين وبييييييييييييييييييييين
أسلم بالعيد ع الأهل إللي وايد وياهم وإللي أكبر مني وجيران أمي
واييييييييييييييييييييييد طولت عليكم وإذا فيه شي أنا أحرص عليه ونسيته بخبركم بس سامحوني عن التطويل وأتمنى إني أفدتكم و