حبيباتي أبغي مساعده في عالم الطبخ لأني كل ما سوي شيء ما ينجح وخاصه الكيك والحلويات أبد ما
تنجح، إذا ممكن حد يقولي أسرار الطبخ جزاها الله ألف خير.
ع فكره سويت كيكة أنا غير اليوم طلعت مثل عينه من داخل بس ما عرف شو السبب.
جزاكم الله خير ساعدوني.
وعليكم السلام ورحمة الله وبركاته
هلا ومرحبا فديتج
أول شي .. الكيكة ضروري تخفقينها وايد
عشان تدخلين فيها هوا وقت الخفق .. واللي بدوره يساعد أنها الكيكة تنتفخ وقت الخبز
شي ثاني
تأكدي أنج ما تزيدين كمية البيكنج باودر عن المقدار اللازم
لأنها الزيادة بتخلي الكيكة تكون شرات العيينة
أو أنها تنتفخ تستوي من الأطراف .. وتكون نازلة ومش مستوية في الوسط
ومهم وايد أنج ما تفتحين باب الفرن يوم تكون الكيكة في الفرن لين تستوي من تحت
وإذا اضطريتي أنج تفتحينه عشان تشوفين الكيكة
ففتحي الباب بهدوء وسكريه بهدوء
عشان تمنعين دخول الهوا للفرن .. اللي هو سبب يخلي الكيكة تنزل عندج وما تنتفخ شرات المطلوب
وآخر شي .. عندج ملف الطبخ في توقيعي
جربي كيكة من الكيكات
وإن شاء الله تضبط
:22 (22):
جزاج الله خير.
وأضيف أنج لازم تسخين الفرن قبل ماتحطين قالب الكيك داخل ..