آتريا أفكاركم . .

السلام عليكم / شحالكم / عساكم بخير ..

آبا أفكاركم الحلوة و المميزة لـ زفتي !

أبا أسوي شي مميز و يديد
بس ماعندي افكار بصراحه !
و من زمان ما حضرت أعراس . .

ياليت تعطوني شي من أفكاركم أو الي شفتوه

و بشوف عمري اذا أقدر أطبق ولا لاء . .

بانتظاركم . .

:

مووفقـه = )

حلات العروس تنزف وهي مستحيه مع ابتسامه بسيطه والأضواء تكوون قوويه و مركزه عليها !!

وخلوو الأفكار والخرابيط عنكم <—– وجهه نظر

موفقه ياقمر

شوفي هذا اللي سويته في عرسي الزفة اتجنن باسمي واسم زوجي في البداية دخلت طفلة تقول شعر مسجل ويلست على الكوشه وكانت تتكلم وتاخذ ورود من زوايا في الكوشه لين ما كملت والموسيقى لفتت الانتباه وسكرو اليتات وانفتح الباب والاضاءة بس علي والبنت عندي وقالت لي يا اجمل عروس (اسمي) في هالكون نهنيج ونبارك لج ول(اسم المعرس) المزيون تعالي ونوري الكوشه وخلي الفرح بج يزدان وكل منهو حظر لاجلج بالخير لج يدعون وبدت الاغنية باسمي واسم زوجي
الاضاءة كانت وايد حلوة ومركزة علي والحركة الثانيه اللي سويتها وبعد ماقعدت بربع ساعة طلع صوت بنت يقصد وفي البداية رحبت بالحضور وقالت الصداقة اجمل مافي الكون وقصدت هدية لربيعتي واختي مسوية فيدويو صورنا من ايام المدرسة
ودخل المعرس على زفه باسمه واخواني واخوانه يرقصون بالسيوف دخلته كانت رهيبة والاغنية روعة
زفاتنا وقصيدة ربيعتي من احلى عروس للزفه وزفة المعرس بدون ما ادفع لها شي جزاها الله خير
واللي ماعرفوا ليش انا اهديت صديقتي لانها عطتني فستان عرسها وهي عمرها ما ائجرته ولا فكرت اتجره وماطاعت تقبل مني فلوس ولا هدية وفستانها ب60 الف مسوتنه جزاها الله خير

1010

ونصيحه لا تسوين بعض الافكار اللي في النت لانها تضحك وتقلل هيبة العروس مرة سمعت عن حركة ان العروس تركض وسط الصالة تدور باقتها خبال عافانا الله هههههه

حلات العروس تدخل بروحها وبلا حركات وتكون اغنية كلاسيكية
والله تحس انها ملكة