آآآآآآآآآآآآآآآآآآآآآآآه ياقلبي
ببدأ في السالفة ….
اولا بخبركم عن ريلي هو من النوع اللي اذا حد هداه شيء يخبرني واي يراويني ويقولي فلان هداني وجي ….المهم
كنت معزومة عند ربيعتي …قتله ودني الصالون ما شيء وقت ….قالي يالله تعالي اوديج وانا مستانسه وسايره السياره ….
اول ما ركبت السياره وبنتي ركبت ورا عيني طاحت على كيس احمر من باريس غاليري
قلت شو السالفه …. مستحيل ماخذ شيء روحه لانه يخبرني اذا خذ اي شيء حتى لو قحفيه (الحمد لله)
وتتميت آكل في جبدي واقول شو في داخل هالجيسة يارب بنتي تعطيني الجيسة والله يرمسني وانا في عالم آخر اقول معقوله وحدة هادتنه عسب جي ما خبرني
ومخي سار ورد والله يلعن الشيطان
شويه وبنتي فديتها عطتني البطاقة وياريتها ما عطتني
جفتها وجني مغمضة عيني ابطل عيني واقرى آخر البطاقه (امل)
قلت في خاطري
آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآآآآآه
ما رمت اقول شيء ثاني
شهقت شهقه وقلتلها وانا معصبه رديه مكانه ماما لا تاخذين اغراض الناس واطالعت ريلي بنظره خايسه …
قالي هاي امي هادتني نظارة من باريس غاليري
قلتله بسك جذب مكتوب عالبطاقة امل لا تستعبط علية انا مب هبله
صخ وعقب اشوي خذ البطاقة وفراها في حضني وقال اقريها عدل يالغبيه
خذت البطاقه وانا معصبة وسمعته كلام من الخاطر وفتحت البطاقة وانا اقوله بسك جذب وآخر شيء اتوقعه منك الخيانة
ابطل عيني واشوف شيء في البطاقة مرة 2 3 4 5 والا
اقرى الاسم مرة ثانية مكتوب (امك) هههههههههههه خخخخخخخخخخخخ ويالقفطه
ما شفت الهمزة مع انه مكتوب بالخط العريض والله من القفطه ما اعرف كيف اصلح الغلطه
ريلي زعل وقال عيب عليج هالرمسه…
تاكدي قبل ما ترمسين والله عيب وصخ سرنا الصالون وردينا وهو ما يرمس وانا من القفطة ما ارمس
بس والله موقف محرج …
حلوه والله
ا
يالله عاد الحينه راضيه حليله <الله يعينج(=>
ربج ستر زين ما عصب هههههههههههههههه مشالله عليه
ربي يحفظج يالغنااااااااااااااه ههههههههه ضحكتيني ولله فديتج
يا هي قفطة ..
الحمد الله انها كانت امه ..
وعلى الأقل عرف انج تغارين عليه ..
الله يوفقكم
بس والله ظلمته حرام خخخخخخخخ